თბილისის მერმა დავით ნარმანიამ  2016 წლის ანგარიში წარადგინა. 

დავით ნარმანიამ  დამსწრე საზოგადოებას 2016 წელს განხორციელებული მნიშვნელოვანი პროექტები გააცნო. 

თბილისის მერის განცხადებით, 2016 წლის მთავარი პრიორიტეტები ინფრასტრუქტურის განვითარება, ჯანდაცვა და სოციალური უზრუნველყოფა, განათლება და გამწვანებითი ღონისძიებები იყო. 

„ქალაქში არსებული გამოწვევების დაძლევის მიზნით, ჩვენ პროგრამული ბიუჯეტი სწორედ, ამ საჭიროებებზე მივმართეთ და ძალა არ დავიშურეთ, რათა გარკვეულწილად მაინც მოგვეგვარებინა არსებული პრობლემები“, - განაცხადა დავით ნარმანიამ.  

თბილისის მერმა ყურადღება გაამახვილა წლების მიხედვით ბიუჯეტის ათვისებასთან დაკავშირებით და აღნიშნა, რომ  ბოლო 2 წლის განმავლობაში ბიუჯეტის შესრულების უპრეცედენტოდ მაღალი მაჩვენებელი დაფიქსირდა.

„ჩვენ 24 საათიანი შრომით ვცდილობთ თბილისელების ყოველდღიური ცხოვრება გავხადოთ უკეთესი. ყოველი მეორე დღე სჯობდეს წინას და ამას გრძნობდეს თითოეული ჩვენი თანამოქალაქე. ეს არის ჩვენი მთავარი ამოცანა“, - განაცხადა დავით ნარმანიამ. 

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სინდისის პატიმრების ოჯახები საზოგადოებრივ მაუწყებელს პირდაპირი ეთერის დათმობას სთხოვენ

გამოკითხვები საფრანგეთის საპრეზიდენტო არჩევნებში ლე პენის გამარჯვებას პროგნოზირებენ

Tegeta Fest - „თეგეტა მოტორსი“ წრიული რბოლის ჩემპიონატის ფარგლებში ავტოსპორტის მოყვარულებს უმასპინძლებს

აშშ-ირანის სამხედრო ესკალაცია: ჰორმუზის სრუტის კრიზისი და ირანული სამიზნეების დაბომბვა