ევროპარლამენტის წევრ ანდრეს მამიკინსის განცხადებით, საქართველოს ვიზალიბერალიზაცია დიდი ხნის წინი უნდა მიეღო.

როგორც მამიკინსმა ევროპარლამენტის პლენარულ სესიაზე ვიზალიბერალიზაციის საკითხის განხილვისას განაცხადა, საქართველომ ყველაფერი გააკეთა იმისთვის, რომ მისმა მოქალაქეებმა ევროკავშირის ქვეყნებში უვიზოდ იმოგზაურონ.

"ვთვლი, რომ საქართველოს ვიზალიბერალიზაცია აქამდეც უნდა მიეღო, რადგან ქვეყანამ აჩვენა დიდი სწრაფვა ევროპასთან ინტეგრაციის კუთხით. გარდა ამისა, საქართველომ ევროკავშირის მიერ დაწესებული ყველა მოთხოვნა უპირობოთ შეასრულა", - აღნიშნა მამიკინსმა.

გარდა ამისა, მამიკინსმა საქართველოს და ქართველ ხალხს მიმართა და გადაწყვეტილებების დაგვიანებით მირების გამო ბოდიში მოუხადა.

"მინდა მივმართო საქართველოს მოქალაქეებს, ჩვენს მეგობრებს და პარტნიორებს და ბოდიში მოვუხადო, რომ გადაწყვეტილებების მიღება დაგვიანებით ხდება. საქართველომ მოთმინების დიდი უნარი გამოიჩინა და კიდევ ერთხელ აღვნიშნავ, რომ უვიზო მიმოსვლას იმსახურებს", - განაცხადა მამიკინსმა.

ცნობისთვის, ევროპარლამენტში საქართველოსთვის უვიზო რეჟიმის დაწესების საკითხს განიხილავენ. პლენარულ სესიას საქართველოს პარლამენტის თავმჯდომარე, ირაკლი კობახიძე ესწრება. კენჭისყრა ვიზალიბერალიზაციასთან დაკავშირებით რამდენიმე წუთში დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელენე ხოშტარია - ნონსენსია ფასების გაიაფების მოლოდინი ქვეყანაში, რომლის მთავრობაც არალეგიტიმურია

გდდ-ს ხელმძღვანელის პოზიციას ბაადურ შენგელია დაიკავებს

რეჟიმის წარმომადგენელი მაჭარაშვილი ამბობს, რომ ფასების კომისია არ პასუხობს გამოწვევებს

ონის მისასვლელთან მეწყერი ჩამოწვა, შეზღუდულია ტრანსპორტის მოძრაობა