აჭარის ა.რ. დასაქმების სააგენტომ პროფესიული გადამზადების მიზნობრივი პროგრამისა და ახალი ვებ-გვერდის www.hrajara.gov.ge-ს პრეზენტაცია ქედის მუნიციპალიტეტის გამგეობის შენობაში გამართა. 

ამის შესახებ "ექსპრესნიუსს" აჭარის ჯანდაცვის სამინისტროდან აცნობეს.

მათივე ინფორმაციით, დასაქმების სააგენტოს მიზნობრივი პროგრამით სარგებლობა შეუძლიათ: 20 000-მდე სარეიტინგო ქულის მქონე ბენეფიციარებს, შეზღუდული შესაძლებლობის მქონე პირებს ან მათ მეურვეებს, 35 წლისა და ზევით ასაკის მოქალაქეებსა და ძალოვანი სტრუქტურის ვეტერანებს.

სწავლებას ტენდერში გამარჯვებული სასწავლებელი უზრუნველყოფს. სამთვიანი სასწავლო პროგრამით სულ 250 ბენეფიციარი ისარგებლებს.

შეხვედრას ქედის მუნიციპალიტეტის გამგებლის წარმომადგენლები და ადგილობრივი სამუშაოს მაძიებლები ესწრებოდნენ.

პროგრამების პრეზენტაცია მარტის თვეში დასაქმების სააგენტომ, ხულოს, შუახევის, ხელვაჩაურისა და ქობულეთის მუნიციპალიტეტებშიც ჩაატარა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა

აზერბაიჯანმა ირანული ავიაკომპანიების რეისები აშშ-ის სანქციების გამო შეაჩერა.

ტრამპი გაეროს გენერალურ ასამბლეაზე სიტყვით გამოვიდა და განაცხადა, რომ რვა ომი დაასრულა

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა