სავაჭრო ცენტრ „ბავშვთა სამყაროს“ ადმინისტრაციის წარმომადგენლის განცხადებით, მოვაჭრეებს თავიანთ დახლებთან ეტაპობრივად შეუშვებენ.

როგორც "ექსპრესნიუსის" კორესპონდენტი ადგილიდან იუწყება, ამ დროისთვის მოვაჭრეების სიის გადამოწმება მიმდინარეობს, რათა ისინი თავიანთ დახლებთან მიიყვანონ.

ცნობისთვის, სეიფებში არსებული პროდუქცია, მათ შორის, ძვირფასეულობა, ხანძარს გადაურჩა. თუმცა. ჯერ უცნობია, როდის გამოიტანენ შენობაში გადარჩენილ საქონელს. სახანძრო და სამაშველო ბრიგადების გარდა, ადგილზე მთელი ღამის განმავლობაში საპატრულო პოლიციის ათამდე ეკიპაჟი იყო მობილიზებული.

ხანძრის სრულ ლიკვიდირებას მეხანძრეები დღეისთვის ვარაუდობენ.

შეგახსენებთ, ხანძარი „ბავშვთა სამყაროში“ გუშინ ღამის 3 საათზე გაჩნდა. 10 ათასზე მეტი კვადრატული მეტრის ფართობი მთლიანად განადგურდა. ჩამონგრეულია შენობის ნაწილი. ზარალი დიდია, ზიანი1000 -ზე მეტ მეწარმეს მიადგა. გამოძიება დაწყებულია სისხლის სამართლის კოდექსის 187-ე მუხლით, რაც სხვისი ნივთის განზრახ დაზიანებას ან განადგურებას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა