თბილისის ბაგა-ბაღების მართვის სააგენტოს დირექტორის თემურ თორდინავას განცხადებით, 2017 წლიდან საბავშვო ბაღის აღმზრდელების ხელფასი გაიზრდება და სკოლის პედაგოგების ანაზღაურებას გაუთანაბრდება.

როგორც თორდინავამ აღნიშნა, ხელფასების მატება გარდაუვალია, რადგან სააგენტოს ამას კანონი ავალდებულებს.

მისივე თქმით, მიმდინარე წლის განმავლობაში თანამშრომლების 87%-ს ხელფასი 5%-იდან - 20%მდე უკვე გაეზარდა. სააგენტოს ხელმძღვანელის ინფორმაციით, მატება ძირითადად ყველაზე დაბალი ანაზღაურების მქონე აღმზრდებელბს შეეხო.

თორდინავამ ხაზი დაგეგმილ ინფრასტრუქტურულ პროექტებს გაუსვა. 

დირექტორის განმარტებით, გასული წლის განმავლობაში 7 ახალი ბაღი უკვე აშენდა, მიმდინარე წლის ბოლომდე კი 10 სკოლამდელი დაწესებულების გახსნა იგეგმება.

ასევე, საფუძველი 8 ახალი ბაღის მშენებლობას ჩაეყრება.

ამასთან, თორდინავა კიდევ ერთხელ გამოეხმაურა „რესპუბლიკური პარტიის“ ბრალდებას, რომლის თანახმადაც, პარტია აპროტესტებს მენეჯმენტსა და აღმზრდელების ხელფასების დიდ სხვაობას. 

„ამაში უცხო არაფერია, დიახ, მე ხელზე ვიღებ 2500 ლარს, რაც ფიქსირებულად 3125 ლარია. არ არის გასაკვირი, მითუმეტეს თუ შევადარებთ აღმზრდელის ხელფასს, მმართველ რგოლს უფრო მაღალი ხელფასი აქვს, ვიდრე აღმზრდელს, ეს არის ჩვეულებრივი მენეჯმენტის სურათი“,- განაცხადა თორდინავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

2027 წლიდან პრეზიდენტის, პრემიერისა და პარლამენტის თავმჯდომარის წლიური ანაზღაურება 208 200 ლარი იქნება

Axios: რუბიომ მოითხოვა ირანის დელეგაციის დაუყოვნებლივ გამგზავრება აშშ-დან

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად