სოფლის მეურნეობის მინისტრი ლევან დავითაშვილი ქალაქ ბერლინში სურსათის, სოფლის მეურნეობისა და მებაღეობის საერთაშორისო გამოფენის „მწვანე კვირეული 2017" (Gruene Woche 2017) გახსნის ღონისძიებას დაესწრო. 

ამის შესახებ "ექსპრესნიუსს" სოფლის მეურნეობის სამინისტროდან აცნობეს. 

ბერლინის საერთაშორისო გამოფენა  სოფლის მეურნეობის მიმართულებით მსოფლიოში ერთ-ერთი ყველაზე მასშტაბური და პრესტიჟულია. 

აღნიშნული გამოფენა, 1926 წლიდან ყოველწლიურად იმართება. 

უწყების ინფორმაციით, საქართველოს სოფლის მეურნეობის სამინისტროს მხარდაჭერით, აღნიშნულ გამოფენაში ყოველწლიურად ქართული კომპანიები იღებენ მონაწილეობას. 

წელს, საქართველოს  სტენდზე 17 კომპანიის („ქიმერიონი“, „თამარის მარანი“, ,,ბებუ“, „ჩელთი“, „ტიბანელი“, „ბადაგონი“, „მილდიანი“, „კორპორაცია ქინძმარაული“, „შუხმან ვაინსი“, „კახური“, ,,კავკასიური“, ,,გეო პრო“, „ღვინის მარანი ლილი“, ,,გეოვინო“,  „ქართ valley“, „გეოჰაუსი“, „ინტერ ტრეიდი“)  პროდუქცია - ღვინო, ჭაჭა, ლიმონათი, წვენი, ჩაი, ჩურჩხელა, გოზინაყი, ტყლაპი, ტყემალი, ჯემი, თხილი, მშრალი ხილი, სუნელი და საწებელია წარმოდგენილი.

წელს, ,,მწვანე კვირეული 2017“ -ში (Gruene Woche 2017)  სხვადასხვა ქვეყნის 1500-მდე კომპანია მონაწილეობს. გამოფენის ვიზიტორთა რაოდენობა ყოველწლიურად 400 000 -ზე მეტს აღწევს. 

მიმდინარე  წელს,  გამოფენა ,,მწვანე კვირეულის“ პარტნიორ ქვეყანას გერმანიასთან ერთად უნგრეთი წარმოადგენს. 

ევროკავშირთან ასოცირების ხელშეკრულების ხელმოწერის შემდეგ, ქართული პროდუქციის პოპულარიზაციას საერთაშორისო ბაზრებზე განსაკუთრებული მნიშვნელობა ენიჭება.  შესაბამისად, წლევანდელ გამოფენაზე საქართველო  მრავალფეროვანი პროდუქციით არის  წარმოდგენილი.
გერმანიაში ვიზიტის ფარგლებში საქართველოს სოფლის მეურნეობის მინისტრმა, ლევან დავითაშვილმა შეხვედრები გამართა გერმანიის, ესტონეთის, ლატვიის, ლიტვის, სლოვენიის, მოლდოვას და სომხეთის სოფლის მეურნეობის მინისტრებთან და საერთაშორისო ორგანიზაციების წარმომადგენლებთან.
Gruene Woche 2017-ის ფარგლებში  მინისტერიალი გაიმართება,  რომელსაც საქართველოს სოფლის მეურნეობის მინისტრი ლევან დავითაშვილი დაესწრება. 

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”