მანდატური, რომელმაც 15 წლის გოგონასთან სქესობრივი კავშირი დაამყარა, დეკემბერში გაათავისუფლეს

2017-01-19 20:28:40, 1458 ნახვა

საზოგადოება

იმერეთის რეგიონში მანდატურისა და 15 წლის მოსწავლეს შორის სქესობრივ კავშირს საგანმანათლებლო დაწესებულების მანდატურის სამსახურშიც ადასტურებენ.

როგორც "ექსპრესნიუსს" საგანმანათლებლო დაწესებულების მანდატურის სამსახურში განუცხადეს, მამაკაცი, რომელმაც 15 წლის სკოლის მოსწავლესთან სქესობრივი კავშირი დაამყარა, დეკემბრის თვეში სამსახურიდან გაათავისუფლეს.

"მომხდარ ფაქტს ვადასტურებთ. ეს ადამიანი, ჩვენი თანამშრომელი ამ ეტაპზე აღარ არის. ის დეკემბერში გაათავისუფლეს. გამოძიება უკვე მიმდინარეობს. აღნიშნულის შესახებ სოციალური სამსახური უკვე ინფორმირებულია. მანდატურის სამსახურმა არასრულწლოვანს ფსიქოლოგიური დახმარება შესთავაზა", - აცხადებენ მანდატურის სამსახურში.

ამასთან, გამოძიების ინტერესებიდან გამომდინარე, მანდატურის სამსახურში სხვა დეტალებზე არ საუბრობენ.

ცნობისთვის, იმერეთში მანდატურმა 15 წლის მოსწავლესთან სქესობრივი კავშირი დაამყარა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან