2017-01-18 22:05:55, 1340 ნახვა
საზოგადოება
არა გაზპრომს! - მთავრობის კანცელარიასთან აქცია-პერფომანსი გაიმართა
არა გაზპრომს! - ამ ლოზუნგით მთავრობის კანცელარიასთან პლატფორმა "დაიცავი თავისუფლებამ" აქცია-პერფომანსს გამართა.
აქციის ერთ-ერთი ორგანიზატორი, "ტაბულას" მთავარი რედაქტორი თამარ ჩერგოლეიშვილია, რომელმაც განაცხადა, რომ საქართველოს 20 წელზე მეტია, გაზპრომთან მომგებიანი ხელშეკრულება აქვს დადებული. მისი თქმით, წლების განმავლობაში რუსეთი ცდილობდა ნატურით ანაზღაურების ფულადით ჩანაცვლებას, რაც ქვეყნისთვის ტრანზიტული მოგების განახევრებას გულისხმობდა.
აქციის მონაწილეებმა მთავრობის კანცელარიის წინ, ინსტალაცია NO TO GAZPROM გაანათეს. აქციის მონაწილეთა რიგებში იყვნენ ფრაქცია ევროპული საქართველოს წევრებიც. აქციას გამაფრთხილებელი ხასიათი ჰქონდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
