„ნაციონალური მოძრაობის“ ყოფილი წევრი გიგა ბოკერია მიხეილ სააკაშვილის მიერ გუშინ გაკეთებულ განცხადებებს ეხმაურება.

ბოკერიას თქმით,  სააკაშვილი ყოფილი თანაგუნდელების მიმართ სამარცხვინო ცილისწამების კამპანიას აგრძელებს:

 „განცხადება, რომელიც გუშინ მიხეილ სააკაშვილისგან მოვისმინეთ, იყო სამწუხაროდ გაგრძელება სამარცხვინო ცილისწამების კამპანიისა, სიბინძურის ფრქვევისა  ყოფილი თანაგუნდელების მიმართ. ეს ძალიან სამწუხაროა, მაგრამ ჩვენ ვაპირებთ, რომ მთლიანად ფოკუსირებული ვიყოთ იმ მთავარ გამოწვევებზე, რომელიც ქვეყანას გააჩნია და ეს არის ბრძოლა ივანიშვილის რეჟიმთან. ეს არის ჩვენი ფოკუსი, ვინც ამ სიბინძურეს გააგრძელებს, თვითონ იქნება ხელშემწყობი იმის, რომ საზოგადოების ყურადღება ამ ბინძურ ცილისწამებაზე გადავა, რომელიც დაგეგმა და ააგორა სააკაშვილმა. კიდევ ერთხელ მოვუწოდებთ, დროზე შეწყვიტონ ეს სიბინძურე, რომელიც მათ არაფერს არგებთ, მაგრამ ზოგადად ატმოსფეროს აფუჭებს“,-განაცხადა გიგა ბოკერიამ.

საქართველოს ყოფილი პრეზიდენტის მიხეილ სააკაშვილის განცხადებით, "ნაციონალური მოძრაობის" მრავალრიცხოვანებასა და ძალაში ყველა 20 იანვრის ყრილობაზე დარწმუნდება. მისივე თქმით, "ნაციონალური მოძრაობის" წევრებმა ივანიშვილისეული გეგმის განხორციელებას მხარი არ დაუჭირეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ