„გაზპრომ ექსპორტი“ ქართულ მხარესთან მიღწეული შეთანხმების შესახებ ინფორმაციას ავრცელებს.

როგორც კომპანიის მიერ გავრცელებულ განცხადებაშია ნათქვამი, „გაზპრომ ექსპორტმა“ და ქართულმა მხარემ რუსული გაზის საქართველოს გავლით სომხეთში ტრანზიტის პირობების შესახებ შეთანხმებას მიაღწიეს. კერძოდ, მხარეები შეთანხმდნენ, რომ ტრანზიტის საფასურს "გაზპრომი" საქართველოს ნედლეულის ნაცვლად, ფულადი სახით აუნაზღაურებს.

„მიღწეული შეთანხმებების თანახმად, რუსული მხარე 2017-2018 წლებში საქართველოს ტერიტორიის გავლით სომხეთში წელიწადში 2,0-2,2 კუბური მეტრიგაზი მიეწოდება. გარდა ამისა, საქართველო 2016 წელთან შედარებით გაზს შეღავათიანი პირობებით მიიღებს. კერძოდ კი 1000 კუბურ მეტრში 30 აშშ დოლარით ნაკლები ტარიფით. მოლაპარაკებების შემდეგ, ქართულ მხარესთან მივაღწიეთ შეთანხმებას. კომერციული პირობები ჩამოვაყალიბეთ, რომლებიც ორივე მხარისთვის ოპტიმალური იქნება", - ნათქვამია განცხადებაში.

შეგახსენებთ, რომ საქართველოს მთავრობამ სომხეთში ბუნებრივი აირის ტრანზიტთან დაკავშირებით, „გაზპრომ-ექსპორტის“ საბოლოო წინადადება განიხილა და მასთან ხელშეკრულების გაფორმების გადაწყვეტილება მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს