იოჰანეს ჰანი LIBE-ს გადაწყვეტილებაზე: ეს იქნება კარგი ახალი წელი საქართველოს მოქალაქეებისთვის

2017-01-12 15:07:01, 2861 ნახვა

საზოგადოება კომენტარი Lifestyle

მივესალმები ევროპარლამენტის სამოქალაქო თავისუფლებათა, მართლმსაჯულებისა და საშინაო საქმეთა კომიტეტის (LIBE) მიერ საქართველოს ვიზალიბერალიზაციის საკითხისადმი მტკიცე მხარდაჭერას, - ამის შესახებ ევროპული სამეზობლო პოლიტიკისა და გაწევრიანების თაობაზე მოლაპარაკებების საკითხებში ევროკომისარი იოჰანეს ჰანი Twitter საკუთარ გვერდზე წერს.

როგორც ჰანმა აღნიშნა, ევროპარლამენტის პლენარულ სესიაზე ვიზალიბერალიზაციის საკითხი ასევე მხარდაჭერას იმსახურებს.

"ეს იქნება კარგი ახალი წელი საქართველოს მოქალაქეებისთვის" - წერს ჰანი.

შეგახსენებთ, რომ ევროპარლამენტის სამოქალაქო თავისუფლების, მართლმსაჯულებისა და შინაგან საქმეთა კომიტეტმა (LIBE) ევროპარლამენტსა და ევროკავშირის საბჭოს შორის 13 დეკემბერს მიღწეულ შეთანხმებას საქართველოს უვიზო რეჟიმის მინიჭების საკითხზე, მხარი დაუჭირა.

ამასთან, საქართველოს ვიზალიბერალიზაციის საკითხზე მომხსენებელი მარია გაბრიელი წერს, რომ საქართველოს ვიზალიბერალიზაციისადმი დიდი უმრავლესობით მხარდაჭერით ევროპარლამენტი მტკიცე სიგნალს აგზავნის, რომ საქართველოს მხარდაჭერას განაგრძობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან