საგარეო საქმეთა მინისტრის მოადგილემ დავით ზალკალიანმა აშშ-ის სახელმწიფო მდივან ჯონ ქერისთან შეხვედრის დეტალებზე ისაუბრა.

ზალკალიანის განმარტებით, ეს იყო ერთსაათიანი გაჩერება თბილისის აეროპორტში, რა დროსაც სახელმწიფო მდივანს მიაწოდა სრული ინფორმაცია ოკუპირებულ ტერიტოერიებზე შექმნილ ვითარებასთან და ქვეყანაში განხორციელებულ  დემოკრატიულ და ეკონომიკურ რეფორმებთან დაკავშირებით.

„მადლობა გადავუხადე საქართველოს მთავრობის სახელით. ბოლო წლებში საქართველოსთან მიმართებაში გამოჩენილი მხარდაჭერისთვის. სახელმწიფო მდივანმა ძალიან მაღალი შეფასება მისცა საქართველოს პრემიერისა და მთავრობის საქმიანობას ქვეყანაში, ეკონომიკური, პოლიტიკური და დემოკრატიული რეფორმების გატარების კუთხით.  აღნიშნა, რომ აშშ მხარს უჭერს და მომავლშიც დაუჭერს საქართველოს სუვერენიტეტსა და ტერიტორიულ  მთლიანობას“,-განაცხადა ზალკალიანმა.

ცნობისთვის, საქართველოს ხანმოკლე ვიზიტით ამერიკის შეერთებული შტატების სახელმწიფო მდივანი ჯონ ქერი ეწვია. საგარეო საქმეთა სამინისტროს ინფორმაციით, მისმა თვითმფრინავმა თბილისის საერთაშორისო აეროპორტში  ტექნიკური დაშვება განახორციელა. მათივე ცნობით, სახელმწიფო მდივანმა საქართველოს საგარეო საქმეთა მინისტრის პირველ მოადგილესთან დავით ზალკალიანთან შეხვედრა გამართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისობა წელს 3 და 4 ოქტომბერს ქალაქის ხუთ ლოკაციაზე აღინიშნება

სურსათის ერვონულმა სააგენტომ ბაღების საკვებიდან ამოღებულ არცერთ ნიმუში დარღვევა არ დადასტურდა

ერთმა არასრულწლოვანმა, მოქალაქის კუთვნილი მოტოციკლი, ხოლო მეორემ მიკროავტობუსი გაიტაცა - პოლიციამ ექვსი არასრულწლოვანი დააკავა

საწვავი გაძვირებას განაგრძობს - პრემიუმი - ₾4.09, რეგულარი - ₾3.75, დიზელი - ₾4.87