ექსპერტის პოლიტიკურ საკითხებში, ვახტანგ ძაბირაძის შეფასებით, საქართველოს ყოფილი პრეზიდენტი და „ნაციონალური მოძრაობის“ თავმჯდომარე მიხეილ სააკაშვილი, პარტიაში ერთპიროვნული მმართველობის შენარჩუნებას ცდილობს.

როგორც ძაბირაძემ აღნიშნა, სააკაშვილსა და მის გუნდს გადაწყვეტილი აქვს, პარტიიდან გააძევონ ის წევრები, რომლებიც ერთპიროვნულ მმართველობას წინ აღუდგნენ.

„ვერცერთი სვლა მიხეილ სააკაშვილთან შეთანხმების გარეშე ვერ და არ მოხდებოდა.  არ მგონია,  რომ ნიკა მელია დამოუკიდებლად ღებულობდეს ასეთ გადაწყვეტილებას. სააკაშვილსა და მის გუნდს მიღებული აქვს გადაწყვეტილება, რომ ჯგუფი, რომელიც წინ აღუდგა ერთპიროვნულ მმართველობას პარტიაში, პარტიიდან იქნას  გაძევებული. დღევანდელი  შეხვედრა, რომ არ ყოფილიყო, ისედაც ნათლად ჩანდა, რომ პარტიაში ერთიანობის შენარჩუნება შეუძლებელი იქნებოდა. მიუხედავად იმისა, რომ წინასწარ ვიცით შედეგი, მაინც ძალიან საინტერესო იქნება რა განცხადებები გაკეთდება ყრილობაზე. ალბათ, სერგო რატიანის ჯგუფი, რომლიც წინ აღუდგა სააკაშვილის ერთპიროვნულ მმართველობას ყრილობაზე არ მივა. ჩემი აზრით ყრილობაზე მათ მიმართ მხოლოდ შეურაცხყოფა იქნება. ეს ყველაფერი მიმართულია იმისკენ, რომ ყრილობა მიიღებს გადაწყვეტილებას და მეორე ჯგუფს  დიდი ალბათობით გარიცხავენ პარტიიდან. ასევე მნიშვნელოვანი საკითხია, როგორ გაიყოფა ფრაქცია და ვინ იქნება ამ ფრაქციაში“, - აღნიშნა ძაბირაძემ.

ამასთან, ექსპერტი არ იზიარებს მოსაზრებას, რომ პარტიაში იდეოლოგიური დაპირისპირებაა.

„დიდად არ ვიზიარებ იმ აზრს, რომ პარტიაში იდელოგიური დაპირისპირებაა, რა თქმა უნდა არა. აქ არის საუბარი იმაზე, რომ სააკაშვილმა დაინახა საფრთხე, რომ პარლამენტში შესული ჯგუფი მისგან ახდენდა დისტანცირებას და ამიტომ გააკეთა ის რაც გააკეთა. სააკაშვილი ცდილობს პარტიაში ერთპიროვნული მმართველობა შეინარჩუნოს“,-განაცხადა ვახტანგ ძაბირაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისობა წელს 3 და 4 ოქტომბერს ქალაქის ხუთ ლოკაციაზე აღინიშნება

სურსათის ერვონულმა სააგენტომ ბაღების საკვებიდან ამოღებულ არცერთ ნიმუში დარღვევა არ დადასტურდა

ერთმა არასრულწლოვანმა, მოქალაქის კუთვნილი მოტოციკლი, ხოლო მეორემ მიკროავტობუსი გაიტაცა - პოლიციამ ექვსი არასრულწლოვანი დააკავა

საწვავი გაძვირებას განაგრძობს - პრემიუმი - ₾4.09, რეგულარი - ₾3.75, დიზელი - ₾4.87