სამეურვეო საბჭომ ვასილ მაღლაფერიძის შემდეგ, დღეს  საზოგადოებრივი მაუწყებლის დირექტორობის კანდიდატს, ტელეწამყვან   ნინო ზაუტაშვილს მოუსმინა. მან არხის განვითარების კონცეფციაზე ისაუბრა. ამასთან, ზაუტაშვილმა აღნიშნა, რომ  მას ხალხის ნდობა მოპოვებული აქვს და სურს ის საზოგადოებრივ მაუწყებელსაც გაუზიაროს.

ნინო ზაუტაშვილმა ტელევიზიის მენეჯმენტი გააკრიტიკა. ზაუტაშვილის თქმით, ტელევიზიას რომ 60 წელი უსრულდებოდა, 25 დეკემბერს გაახსენდათ, რის გამოც საზოგადოებრივ მაუწყებელში 30 დეკემბერს გასული გადაცემა სამარცხვინო იყო:

„ნდობას კანონები და რეგულაციები ვერ ქმნის, ამას აკეთებენ კონკრეტული ადამიანები. მე  ეს ნდობა უკვე მოპოვებული მაქვს და ამიტომ მინდა, ჩემი ნდობის მთელი ეს შეგროვებული მარგალიტები გადმოვდო საზოგადოებრივი მაუწყებლის ბალანსზე. არ შეიძება მესამე სართულის პერიმეტრით მართავდე ტელევიზიას. შენ უნდა იცოდე რამდენი აქვს ხელფასი დეიდა ნათელას, რომელიც უზარმაზარ სტუდიას ალაგებს. არც ერთმა მენეჯერმა ეს არ იცის. 60 წელი შეგვისრულდა. როგორ ფიქრობთ, მთელი წელი ამაზე არ უნდა ყოფილიყო საუბარი?! 25-ში უცებ ვიღაცას გაახსენდა, რომ 60 წელი გვისრულდება და უცებ გადაწყვიტეს რაღაცის გაკეთება. მე ეს ახლა რომ არ ვთქვა, ვაწყენინებ ძალიან ბევრ ჩემს მეგობარს, რომელმაც ტყვიების ზუზუნში გაატარა აქ ძალიან ბევრი წელი. ის ადამიანები საერთოდ არავის უხსენებია 30 დეკემბრის გადაცემაში.  ახლა პირდაპირ ეთერში ვეუბნები ჩემს კოლეგებს და პირველ რიგში, მივმართავ მენეჯმენტს, რომ ეს იყო სამარცხვინო, რაც მოხდა 30 დეკემბერს საზოგადოებრივ მაუწყებელზე და  ყველა ჩემს მეგობარს და მათ შვილებს ვუბოდიშებ ამის გამო,“ - განაცხადა ნინო ზაუტაშვილმა.

გასაუბრების პირველი ეტაპი გუშინ დასრულდა. საკუთარი გეგმები ბორდს თინათინ ბეერძენიშვილმა, ნათია კუპრაშვილმა და ზაალ ანჯაფარიძემ გააცნეს.

საზოგადოებრივი მაუწყებლის გენერალური დირექტორის ვაკანტურ თანამდებობაზე გამოცხადებული ღია კონკურსის მეორე ტურში 5 კანდიდატი გადავიდა. ხმების რაოდენობა ასე გადანაწილდა:  ზაალ ანჯაფარიძე - 6, ვასილ მაღლაფერიძე - 6 , ნინო ზაუტაშვილი - 5,  თინათინ ბერძენიშვილი - 8,  ნათია კუპრაშვილი - 8.

საბოლოო კენჭისყრა  6 იანვარს გაიმართება. რვაკაციანი ბორდი, ფარული კენჭისყრით, ახალ გენერალურ დირექტორს აირჩევს.  ასარჩევად  საბჭოს მინიმუმ ხუთი ხმაა საჭირო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერთმა არასრულწლოვანმა, მოქალაქის კუთვნილი მოტოციკლი, ხოლო მეორემ მიკროავტობუსი გაიტაცა - პოლიციამ ექვსი არასრულწლოვანი დააკავა

საწვავი გაძვირებას განაგრძობს - პრემიუმი - ₾4.09, რეგულარი - ₾3.75, დიზელი - ₾4.87

თიბისისა და Visa-ს ახალი ბარათი ექსკლუზიურად Glovo-ს კურიერებისთვის

დაავადებათა კონტროლის ცენტრი - უკანასკნელ პერიოდში გახშირებული გასტროენტერიტით მიმდინარე შემთხვევები გამოწვეულია ნოროვირუსით