შსს-ს აკადემიას თბილისის 48-ე საჯარო სკოლის მოსწავლეები ეწვივნენ.

როგორც უწყებაში აცხადებენ, ვიზიტი მოსწავლეებისთვის აკადემიაში დანერგილ სასწავლო პროცესთან დაკავშირებული საკითხების გაცნობას და სასწავლო ბაზის დათვალიერებას ისახავდა მიზნად.

შსს-ს აკადემიის პროფესიული მომზადების სამმართველოს მეხანძრე-მაშველთა მომზადების ფაკულტეტის მთავარმა ინსტრუქტორმა არჩილ ქავთარაძემ სტუმრებს საკუთარი პროფესიული გამოცდილება გაუზიარა. მან ყურადღება გაამახვილა უფროსკლასელებისთვის საინტერესო საკითხებზე, კერძოდ, პოლიციაში კადრების მიღების პროცედურებსა და შსს-ს აკადემიაში არსებული სწავლების მეთოდოლოგიაზე. შეხვედრაზე აკადემიის წარმომადგენელმა მოსწავლეებს ამომწურავი ინფორმაცია მიაწოდა აკადემიის საბაკალავრო პროგრამის შესახებ, რომელიც წელს პირველად ხორციელდება. შსს-ს აკადემია სტუდენტებს საპოლიციო საქმიანობისთვის აუცილებელ 4 წლიან თანამედროვე სწავლებას, ხოლო სამაგისტრო პროგრამის შემთხვევაში - 2 წლიან სწავლებას სთავაზობს. ორივე პროგრამას გამოცდილი და სამართლის სფეროში ცნობილი სპეციალისტები უახლეს მეთოდებზე დაყრდნობით უძღვებიან.

სკოლის მოსწავლეებმა მოინახულეს აკადემიის სასწავლო და ფიზიკური მომზადების ოთახები, იმიტირებული სასამართლო დარბაზი, იმიტირებული სასაზღვრო-გამშვები პუნქტი, რეალური და იმიტირებული ტირები.

მსგავსი ღონისძიებები შსს-ს აკადემიაში პერმანენტულად ტარდება და მათი მიზანია ახალგაზრდებში სამართლებრივი კულტურის ამაღლება და ამ გზით დანაშაულის პრევენცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა

საქართველოს ბანკის მხარდაჭერით, 500 Global in Eurasia-ს აქსელერაციის პროგრამის XI ნაკადის გადამზადება დაიწყო