საქართველოს პრეზიდენტი გიორგი მარგველაშვილი დღეს მარნეულში ადგილობრივი მოსახლეობისათვის ნოვრუზ ბაირამის მისალოცად ჩავიდა.

 გიორგი მარგველაშვილმა მარნეულში ადგილობრივი წარმოების პროდუქციის გამოფენა, ასევე მუნიციპალიტეტში უკვე განხორციელებული და მიმდინარე ინფრასტრუქტურული პროექტების ამსახველი ფოტომასალა დაათვალიერა.

 ქვეყნის პირველი პირი საზეიმო კულტურულ ღონისძიებებს პრემიერ-მინისტრ ირაკლი ღარიბაშვილთან ერთად დაესწრო. ქვეყნის პირველ პირს და პრემიერს ადგილობრივმა სტუდენტმა მადლობა გადაუხადა ქვემო ქართლის რეგიონში ქართული ენის შესწავლის ხელშეწყობისათვის და ამ მიმართულებით დახმარება სამომავლოთაც სთხოვა. გიორგი მარგველაშვილი აღნიშნულ საკითხში მოსახლეობას დახმარებას დაჰპირდა.

 საქართველოს პრეზიდენტმა და პრემიერ-მინისტრმა მოედანზე გამართული სპორტული სანახაობაც დაათვალიერეს, რის შემდეგაც საგანგებო ჩირაღდნებით სადღესასწაულო კოცონის დანთებაში მიიღეს მონაწილეობა.

 სადღესასწაულო ღონისძიებების ფარგლებში მარნეულში საზეიმო კონცერტი გაიმართა. კონცერტის დასაწყისში საქართველოს პრეზიდენტმა შეკრებილ საზოგადოებას ნოვრუზ ბაირამის დღესასწაული მიულოცა.

 „თქვენ ბევრს აკეთებთ, ბევრს შრომობთ, ხართ ძალიან ნიჭიერები და შრომისუნარიანები. იცოდეთ, რომ ამას ყველა ხედავს და ცდილობს, რომ რაც შეიძლება მეტად შეუწყოს ხელი თქვენს კეთილდღეობას. დღეს არის ახლის დაწყების, ახალი ენერგიის, გაზაფხულის ზეიმის დღე. იცოდეთ, რომ არა მარტო დღეს, არამედ მთელი წლის განმავლობაშიც ჩვენ ვართ თქვენთან ერთად, რომ გემსახუროთ და ერთად ავაშენოთ უფრო ძლიერი, უფრო გამართული, უფრო ბედნიერი საქართველო. მე თქვენთან ერთად ვიბრძვი ბედნიერი საქართველოსთვის. გილოცავთ ბაირამს", - მიმართა საქართველოს პრეზიდენტმა ადგილობრივ მოსახლეობას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა

საქართველოს ბანკის მხარდაჭერით, 500 Global in Eurasia-ს აქსელერაციის პროგრამის XI ნაკადის გადამზადება დაიწყო