კოალიცია "ერთსულოვნება საზოგადოების უფლებებისათვის"  დღეს კონტრა-აქციას გამართავს და "ნაციონლური მოძრაობის" გაუქმებას მოითხოვს.

როგორც "ექსპრესნიუსს" ორგანიზაციიდან აცნობეს, შეკრება საზოგადოებრივ მაუწყებელთან 15:00 საათზე იგეგმება. ორგანიზაციაში მიაჩნიათ, რომ საზოგადოებრივი მაუწყებელი "ნაციონალური მოძრაობის" აღზევებას უწყობს ხელს და ხალხის ინტერესებს არ ემსახურება. სწორედ ამიტომ, ხვალ აქციის წევრები საზოგადოებრივი მაუწყებლის ხელმძღვანელობის გადადგომასაც მოითხოვენ.

"საზოგადოებრივ ტელევიზიასთან იგეგმება  კონტრ-აქცია "ნაციონალური მოძრაობის" უკანონო პარპაშისა და თავხედობის გასაპროტესტებლად. საქართველოს დამღუპველი და ქართველი ერის მტრული ორგანიზაცია "ნაციონალური მოძრაობა" რუსთაველის გამზირზე უკვე მესამედ აპირებს შეკრებას და არეულობას გეგმავს.ჩვენ ეს უპროტესტოდ არ უნდა დავტოვოთ.ისინი პასუხისგებაში არიან მისაცემი და როგორც დამნაშავე პარტია,  გაუქმებული უნდა იქნას. სამწუხაროდ, მათ აღზევებას ხელს უწყობს საქართველოს საზოგადოებრივი მაუწყებელი.იქ გაბატონებული კოაბიტაციის, არაკომპეტენტურობისა და ნეპოტიზმის მეშვეობით.პირველი არხის ტელევიზია არ ემსახურება ქართული საზოგადოების ინტერესებს.საზოგადოებრივი მაუწყებლის ხელმძღვანელობა უნდა გადადგეს, ქართველმა ხალხი და საქართველოს მოსახლეობა 21 მარტს 15:00 საათზე შევიკრიბოთ ტელევიზიის კიბეებთან და გამოვხატოთ ჩვენი პროტესტი",-ნათქვამია ორგანიზაციის მიერ გავრცელებულ განცხადებაში.

ცნობისთვის, მთავრობის გადადგომის მოთხოვნით, "ნაციონალური მოძრაობა" თავისუფლების მოედანზე ხვალ აქციას გამართავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა

საქართველოს ბანკის მხარდაჭერით, 500 Global in Eurasia-ს აქსელერაციის პროგრამის XI ნაკადის გადამზადება დაიწყო