საქართველოს იუსტიციის სამინისტროს მმართველობის სფეროში მოქმედმა სსიპ „დანაშაულის პრევენციის ცენტრმა“,სიღნაღის მუნიციპალიტეტის ახალგაზრდებისთვის პროექტი - „სინათლე ცოდნის კაფეში“ - დაიწყო.

დანაშაულის პრევენციის ცენტრის ინფორმაციით, მისი მიზანია ადგილობრივ ახალგაზრდებში სამოქალაქო და სამართლებრივი ცნობიერების ამაღლება, მოხალისეობრივი კულტურის განვითარების ხელშეწყობა, საგანმანათლებლო-შემეცნებითი შეხვედრების ორგანიზება.

მათივე ცნობით, პროექტი ადგილობრივი არასამთავრობო ორგანიზაცია „სამოქალაქო ინიციატივის“ მხარდაჭერით, სოციალურ საწარმოში „ცოდნის კაფეში“, დეკემბრის ბოლოს დასრულდება.

მასში ადგილობრივი სკოლების 20 მოსწავლე ჩაერთო. 14-დან 18 წლამდე ახალგაზრდები 6 თემატურ ტრენინგს დაესწრებიან.

სოციალური საწარმო „ცოდნის კაფე“ ქალაქ წნორში, არასამთავრობო ორგანიზაცია„სამოქალაქო ინიციატივის“ მიერ სექტემბერში დაფუძნდა.

მასში მულტიმედიური ბიბლიოთეკა, წიგნების მაღაზია, კაფე და შეხვედრების სივრცეა მოწყობილი. საწარმოს ხელმძღვანელია იუსტიციის სასწავლო ცენტრის პროექტ „50 საჯარო მოხელეს“ კურსდამთავრებული და სსიპ „დანაშაულის პრევენციის ცენტრის“ სტაჟიორი, ქეთევან მოლაშვილი.

როგორ ცნობილია, იუსტიციის სამინისტროს სსიპ „დანაშაულის პრევენციის ცენტრი“ ახალგაზრდულ პროგრამებს/პროექტებს იუსტიციის სახლებსა და საზოგადოებრივ ცენტრებში ახორციელებს.

ამჯერად, კი ახალი პროექტი „ცოდნის კაფეშიც“ დაიწყო.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთში ორბანის მთავრობის ორი ყოფილი მინისტრი კორუფციის ბრალდებით დააკავეს

ქადაგიშვილი- ირანის ელჩმა კეთილი ინებოს და თავისი კომპეტენციის ფარგლებში თავისი ფუნქციის აღსრულება მოახდინოს

სამხარაძე ირანის ელჩს- დიპლომატის პროტოკოლის ჩარჩოებში დარჩეს და ისტორიულ წიაღსვლებს თავი დაანებოს

გაეროს კომიტეტმა საქართველოს აუკრძალა ტიმოფეევის რუსეთში ექსტრადიცია