პრეზიდენტი სამხედრო გაწვევაზე: ასეთი ტიპის მნიშვნელოვანი გადაწყვეტილებები უშიშროების საბჭოზე უნდა განიხილებოდეს

2016-11-08 23:13:14, 723 ნახვა

საზოგადოება

ასეთი ტიპის მნიშვნელოვანი გადაწყვეტილებები უნდა განიხილებოდეს უშიშროების საბჭოზე, - ამის შესახებ, სამხედრო სავალდებულო გაწვევაზე საუბრისას, საქართველოს პრეზიდენტმა გიორგი მარგველაშვილმა გადაცემა "არჩევანში" განაცხადა.

როგორც მან აღნიშნა, მსგავსი გადაწყვეტილებების მიღება ნაჩქარევად არ უნდა ხდებოდეს და მისი განხილვა უშიშროების საბჭოზე აუცილებელია. მისივე განცხადებით, სავალდებულო გაწვევის თემაზე მას უკვე ჰქონდა საუბარი თავდაცვის მინისტრთან და არსებობს შეთანხმება, რომ უახლოეს პერიოდში ამ საკითხის განხილვა უშიშროების საბჭოს ფორმატში მოხდეს.

"სამხედრო სავალდებულო გაწვევის გაუქმების გადაწყვეტილება უკავშირდებოდა პროფესიულ არმიაზე გადასვლას, თუმცა თინა ხიდაშელის გადაწყვეტილება იყო მხოლოდ ერთჯერადი აქტი. მიზანი იყო პროფესიულ არმიაზე გადასვლა, ამ მიზნისთვის შესაბამისი ნაბიჯები არ გადადგმულა. ასეთი ტიპის მნიშვნელოვანი გადაწყვეტილებები უნდა განიხილებოდეს უშიშროების საბჭოზე,“ - განაცხადა გიორგი მარგველაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან