იუსტიციის სახლებში მისულ მოქალაქეებს დღეიდან საჯარო რეესტრის ეროვნული სააგენტოს სერვისების საფასურის გადახდა განაცხადის მიმღებ ოპერატორთან საბანკო პლასტიკური ბარათით შეუძლიათ.

სამმხრივი თანამშრომლობის მემორანდუმს იუსტიციის სახლს, საჯარო რეესტრსა და თიბისი ბანკს შორის ხელი დღეს მოეწერა. ინიციატივის შედეგად, მომხმარებლისთვის სერვისების მიწოდება „ერთი ფანჯრის“ პრინციპით კიდევ უფრო გამარტივდა.

საჯარო რეესტრის სერვისების მიმართულებით მომუშავე თითოეული ოპერატორის სამუშაო მაგიდაზე თიბისი ბანკის პოსტერმინალია განთავსებული, რაც მოქალაქეებისთვის მომსახურების მიღების პროცესს კიდევ უფრო სწრაფსა და კომფორტულს ხდის.

„ეს არის მომხმარებლის კომფორტზე ორიენტირებული ინოვაცია, რაც კიდევ უფრო უმარტივებს და უზოგავს მომხმარებელს დროს. ამ შემთხვევაში მას შეუძლია საბანკო ბარათით გადაიხადოს  და დაასრულოს მომსახურების მიღება, უშუალოდ ოპერატორთან. ვფიქრობთ, რომ საკმაოდ მოსახერხებელია და ისევდაისევ მომხმარებლის კმაყოფილებისაკენ არის მიმართული“,-განაცხადა იუსტიციის სახლის აღმასრულებელმა  დირექტორმა გივი აზაურაშვილმა.

140 პოსტერმინალი თბილისის იუსტიციის სახლს თიბისი ბანკმა გადასცა. სიახლის დანერგვისთვის საჭირო პროგრამული კომპონენტი კი საჯარო რეესტრმა უზრუნველყო.

„ეს სერვისები დანერგილია როგორც თბილისის იუსტიციის სახლში, ასევე ქუთაისში და ბათუმში. სულ მალე იქნება მთელ საქართველოში. ყველას ექნება შესაძლებლობა ამ სერვისით ადგილზევე ისარგებლონ“, - განაცხადა თიბისი ბანკის გენერალური დირექტორის მოადგილე ნინო მასურაშვილმა.

საჯარო რეესტრის ეროვნული სააგენტოს სერვისების მიმართულებით მომსახურების საფასურის გადახდა თბილისის, ქუთაისის და ბათუმის იუსტიციის სახლებში ნებისმიერი ტიპის (Visa Electron/Visa, MasterCard/Maestro და China Union Pay)  საბანკო პლასტიკური ბარათითაა შესაძლებელი.

მომსახურების საფასურის გადასახდელად მოქალაქეებს იუსტიციის სახლებში მდებარე ბანკის ფილიალებში მისვლა აღარ მოუწევთ. მათ შეუძლიათ, თანხა უშუალოდ ოპერატორებთან ნებისმიერი ბანკის პლასტიკური ბარათით გადაიხადონ.

წლის ბოლომდე იგეგმება აღნიშნული მომსახურების ამოქმედება მთელი საქართველოს მასშტაბით-ყველა იუსტიციის სახლში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის ადმინისტრაციამ იმპორტიორებს მიერ უკანონო ტარიფების სახით გადახდილი 100 მილიარდი დოლარი დაუბრუნა

ტულას რეგიონში Wildberries-ის ლოჯისტიკური ცენტრზე დრონის თავდასხმის შემდეგ ხანძარი გაჩნდა

კიევის ოლქზე რუსეთის მასშტაბური დარტყმის შედეგად თოთხმეტი ადამიანი დაიღუპა და 27 დაშავდა

რუსეთის ერთ-ერთმა უმსხვილესმა სატრანსპორტო კომპანიამ შავი ზღვის გავლით ტვირთების გადაზიდვაზე უარი თქვა