2016-10-31 13:43:29, 735 ნახვა
საზოგადოება
მერეთის თემის ოთხი სოფლის სავარგულების სარწყავი წყლით უზრუნველყოფის პროექტი ხორციელდება
სოფლის მეურნეობის სამინისტროს შპს „საქართველოს მელიორაცია” გორის მუნიციპალიტეტში მერეთის თემის სოფლების სავარგულების სარწყავი წყლით უზრუნველყოფის მიზნით საირიგაციო სისტემის მოწყობის პროექტს ახორციელებს.
როგორც „ექსპრესნიუსს“ სოფლის მეურნეობის სამინისტროდან აცნობეს, პროექტის ფარგლებში ოთხი სატუმბი სადგური აშენდება და მოეწყობა 2 კილომეტრი სიგრძის სარწყავი არხი.
მათივე ცნობით, ახალი საირიგაციო ქსელით მერეთის, გუგუთიანთკარის, ზარდიაანთკარისა და კოშკას მოსახლეობა 185 ჰექტარი მიწის ფართობის მოსარწყავად ისარგებლებს.
სამუშოები 2017 წლის აგვისტოსთვის დასრულდება.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
