შესაძლებლობა თუ მომეცემა, რომ ეროვნული უშიშროების საბჭოს ფორმატში გავაგრძელო მუშაობა, რა თქმა უნდა, სიამოვნებით ვიმუშავებ ნებისმიერ ახალ მდივანთან, - ამის შესახებ პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმა ჟურნალისტებს უშიშროების საბჭოს ახალ მდივანთან დაკავშირებული საკითხის კომენტირებისას განუცხადა.

სესიაშვილის თქმით, ეროვნული უშიშროების საბჭო არის პრეზიდენტის სათათბირო ორგანო, შესაბამისად, მისი მდივნის დანიშვნა მთლიანად არის პრეზიდენტის პრეროგატივა.

„თუკი შესაძლებლობა მომეცემა, რომ ეროვნული უშიშროების საბჭოს ფორმატში გავაგრძელო მუშაობა, რა თქმა უნდა, სიამოვნებით ვიმუშავებ ნებისმიერ ახალ მდივანთან. მიუხედავდ იმისა, რომ მას პიროვნულად არ ვიცნობ, არ მქონია მასთან შეხება, წარმატებას ვუსურვებ. გამიჭირდება ვისაუბრო მის კომპტენციაზე. კომპეტენცია, მომწონს თუ არ მომწონს, ეს არ არის ჩემი გადასაწყვეტი. ვისურვებდი, რომ ჩვენი თანამშრომლობა იყოს ნაყოფიერი. კომპეტენციის საკითხი დგას თუ მისი წარსული, ეს იყო მთლიანად პრეზიდენტის გადასაწყვეტი. გიორგი მარგველაშვილმა ეს გადაწყვეტილება მიიღო და მე მას ვუსურვებ წარმატებას”, - განაცხადა ირაკლი სესიაშვილმა.

შეგახსენებთ, რომ საქართველოს პრეზიდენტმა გიორგი მარგველაშვილმა უშიშროების საბჭოს მდივნად დავით რაქვიაშვილი დანიშნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს