2015-03-18 12:38:11, 311 ნახვა
სევდია უგრეხელიძის ინფორმაციით, ქონების მართვის სააგენტოს უფროსმა თანამდებობა დატოვა
საკრებულოს ფრაქცია „ნაციონალური მოძრაობის“ წევრის სევდია უგრეხელიძის ინფორმაციით, გიორგი გაგოშიძემ ქონების მართვის სააგენტოს ხელმძღვანელის პოსტი დატოვა.
როგორც უგრეხელიძემ ჟურნალისტებს დედაქალაქის მთავრობის სხდომის დასრულების შემდეგ განუცხადა, გაგოშიძემ თანამდებობა საკუთარი განცხადების საფუძველზე დატოვა.
მისივე თქმით, გიორგი გაგოშიძე „მეწარმეობის ხელშეწყობის ცენტრში“ გადადის.
„ხავერდოვანი წესით კიდევ ერთი სამსახურის უფროსის გადაყენების მომწე გავხდით. გიორგი გაგოშიძე ყოფილ ვიცე–მერს ალექსანდრე მარგიშვილს მიჰყვა. ამ საკითხთან დაკავშირებით სხდომაზე არანაირი განმარტება არ გაკეთებულა“, – აღნიშნა უგრეხელიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
