რუსეთის ფედერაციასა და ოკუპირებულ  სამხრეთ ოსეთს შორის  დღეს დაგეგმილ  „მოკავშირეობისა და ინტეგრაციის შესახებ" ე.წ.  ხელშეკრულების ხელმოწერას, დეპუტატი ლევან ბერძენიშვილი საქართველოს ანექსიისკენ გადადმულ ნაბიჯად აფასებს.

"იმის საშუალება, რომ თვითმფრინავები ავწიოთ და მოსკოვი დავბომბოთ ჩვენ არ გვაქვს და რომც გვქონდეს, არამგონია, რომ ეს იყოს ყველაზე სწორი გზა. საერთაშორისო თანამეგობრობა, არაღიარების პოლიტიკა ჯერჯერობით არის ერთადერთი ეფექტიანი გზა. არავინ დედამიწის ზურგზე ამ ხელშეკრულებებს არ აღიარებს.რუსეთი იარაღს აჟღარუნებს და ახლა ჩრდილოეთით რაღაც ახალ შეტევას ამზადებს.სამწუხაროდ,  მსოფლიო დგას განსაცდელის წინაშე და ვერ აოკებენ აგრესორს",-განაცხადა ლევან ბერძენიშვილმა.
საპარლამენტო უმცირესობა კი, შექმნილი ვითარების გამო, კვლავ ხელისუფლებას აკრიტიკებს. ზურაბ ჯაფარიძის განცხადებით, საქართველოს პრობლემატური საკითხები საერთაშორისო თანამეგობრობის დღის წესრგიში აღარ არის.
"რუსეთის მხრიდან მორიგი აგრესიული ნაბიჯია საქართელოს ტერიტორიული მთლიანობის წინააღმდეგ გადადგმული. სამწუხაროა, რომ ხელისუფლების 2 წლიანი მმართველობის პერიოდში,  საქართველოს ეს პრობლემატური საკითხები მთლიანად ამოვარდნილია საერთაშორისო თანამეგობრობის დღის წესრიგიდან",-განაცხადა ზურაბ ჯაფარიძემ.
ცნობისთვის,  რუსეთის ფედერაციასა და ოკუპირებულ  სამხრეთ ოსეთს შორის „მოკავშირეობისა და ინტეგრაციის შესახებ" ე.წ.  ხელშეკრულებას  მხარეები დღეს მოსკოვში გააფორმებენ. ამის შესახებ განცხადება კრემლის ოფიციალურ გვერდზეა გამოქვეყნებული. მოკავშირეობისა და ინტეგრაციის შესახებ ხელშეკრულებას ხელს რუსეთის  ფედერაციის პრეზიდენტი ვლადიმერ პუტინი და ოკუპირებული  სამხრეთ ოსეთის  პრეზიდენტი ლეონიდ თიბილოვი მოაწერენ.  შეგახსენებთ,   ე.წ.  ხელშეკრულების გაფორმება 11 მარტს იგეგმებოდა, თუმცა გარკვეული მიზეზების გამო გადაიდო. აღნიშნულ ფაქტს რუსული მედია ვლადიმერ პუტინის ჯამრთელობასთან დაკავშირებულ პრობლემებს უკავშირებს, რადგან პუტინი 1 კვირაზე მეტი ხნის განმავლობაში საზოგადობის წინაშე არ გამოჩენილა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა