აზერბაიჯანის სახელმწიფო აგრარულ უნივერსიტეტში, ქალაქ განჯაში მე-8 საერთაშორისო სამეცნიერო-პრაქტიკული კონფრენციის - „საერთაშორისო თანამშრომლობა სოფლის მეურნეობის მეცნიერების გაუმჯობესების მიზნით, სურსათის უსაფთხოების უზრუნველყოფა და გარემოს დაცვა“ - პლენარულ სხდომაზე სოფლის მეურნეობის მინისტრის მოადგილე იური ნოზაძე სიტყვით გამოვიდა.

როგორც "ექსპრესნიუსს" სოფლის მეურნეობის სამინისტროდან აცნობეს, სოფლის მეურნეობის მინისტრის მოადგილემ საქართველოს სოფლის მეურნეობის  განვითარების სტრატეგიაზე და დარგში არსებულ მდგომარეობაზე ისაუბრა. 

უწყების ინფორმაციით, იური ნოზაძემ ყურადღება მიმდინარე და დაგეგმილ პროექტებსა და ახალ გამოწვევებზე გაამახვილა.

ვიზიტის ფარგლებში ქართულმა დელეგაციის წევრებმა აზერბაიჯანის სახელმწიფო აგრარული უნივერსიტეტის სასწავლო და ექსპერიმენტული ბაზა დაათვალიერეს და სამომავლო თანამშრომლობის საკითხები განიხილეს.

საერთაშორისო კონფერენციის მუშაობაში  მონაწილეობა  16 ქვეყნის (გერმანია, თურქეთი, ჩეხეთი, ბულგარეთი, საბერძნეთი,  საქართველო, პოლონეთი, რუმინეთი, რუსეთი, უკრაინა, ტაილანდი, ბანგლოდეში,   ყაზახეთი, ყირგიზეთი, მოლდავეთი,     უზბეკისთანი) წარმომადგენელმა მიიღო.

კონფერენციას  აჭარის ავტონომიური რესპუბლიკის სოფლის მეურნეობის მინისტრის მოადგილე იოსებ ბერიძე,   სოფლის  მეურნეობის სამეცნიერო-კვლევითი ცენტრისა და სოფლის მეურნეობის მეცნიერებათა აკადემიის წარმომადგენლები ესწრებოდნენ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო