2016-09-21 14:26:13, 650 ნახვა
საზოგადოება
ბათუმში უცხო ქვეყნის ორმა მოქალაქემ ელექტროტრავმა მიიღო
ბათუმში, ე.წ ბენზეს დასახლებაში, 12-სართულიანი კორპუსების წინ არსებული შადრევნის აუზში ჩავარდნის შედეგად უცხო ქვეყნის ორმა მოქალაქემ ელექტროტრავმა მიიღო.
როგორც „ექსპრესნიუსს“ შსს-ს საზოგადოებასთან ურთიერთობის სამსახურში განუცხადეს, გამოძიება დაწყებულია 229-ე(პრიმა) მუხლით, რაც ენერგორესურსით სარგებლობის წესების დარღვევას გულისხმობს.
შემთხვევა დღეს 11:00 საათის შემდეგ მოხდა. ამჟამინდელი ინფორმაციით, მამაკაცი მძიმე ტრავმით გადაყვანილია რეფერალურ საავადმყოფოში, ხოლო ბავშვი შედარებით უკეთეს მდგომარეობაში იმყოფება და ბავშვთა საავადმყოფოშია მოთავსებული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
