2016-09-08 17:18:15, 706 ნახვა
საზოგადოება
აშშ-ს არმიის ევროპული სარდლობის გენერალ-ლეიტენანტი საოკუპაციო ხაზს ეწვია
საქართველოში ვიზიტით მყოფმა ამერიკის შეერთებული შტატების დელეგაციამ, აშშ-ს არმიის ევროპული სარდლობის გენერალ-ლეიტენანტ ბენ ჰოჯესის მონაწილეობით საოკუპაციო ხაზის გასწვრივ მდებარე გორის რაიონის სოფელი ხურვალეთი მოინახულა.
სუს-ის საინფორმაციო-ანალიტიკური დეპარტამენტის წარმომადგენლებმა აშშ-ს დელეგაციის წევრებს ადგილზე გააცნეს უსაფრთხოების კუთხით არსებული ვითარება, რუსეთის საოკუპაციო ძალებისგან მომდინარე საფრთხეები და ის პრობლემები, რომლებიც ადგილობრივ მოსახლეობას უკანონოდ აღმართული მავთულხლართები და სხვა ხელოვნური ბარიერები უქმნის.
საოკუპაციო ხაზთან ვიზიტი საქართველოს თავდაცვის სამინისტროს ორგანიზებით და სახელმწიფო უსაფრთხოების სამსახურის და შინაგან საქმეთა სამინისტროს უშუალო დახმარებით განხორციელდა.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
