იუსტიციის სამინისტროს საჯარო რეესტრის ეროვნული სააგენტოსა და ნორვეგიის კარტოგრაფიული ორგანოს ინიციატივით, ბათუმში სივრცითი მონაცემების საჰაერო საშუალებებით მოპოვების ახალი ტექნოლოგიების, არსებული  პრაქტიკის, გამოცდილებისა და შედეგების შესახებ სემინარი იმართება. 

საჯარო რეესტრის ინფორმაციით, რეესტრის წარმომადგენლები სხვადასხვა ქვეყნის სპეციალისტებთან ერთად ორთოფოტოების წარმოებასა და რუკების შექმნაზე მსჯელობენ. 

მათივე ინფორმაციით, ორი დღის განმავლობაში ღონისძიების მონაწილეები გეოგრაფიული ინფორმაციის გამოყენების ხელშეწყობის გზებს, უპილოტო საფრენ აპარატსა და სხვა ტექნოლოგიურ პროცესებს განიხილავენ. 

აღნიშნული მიმართულებებით განხორციელებულ აქტივობებსა და გამოცდილებას ერთმანეთს ქართველი და უცხოელი სპეციალისტები  ნორვეგიის, საქართველოს, მოლდოვას, უკრაინის, ყირგიზეთისა და სომხეთის მაგალითზე გაუზიარებენ. 

არსებული მატერიალურ-ტექნიკური ბაზისა და უპილოტო საფრენი აპარატის გამოყენებით, ამჟამად საჯარო რეესტრში ახალი გეომონაცემების შექმნა მიმდინარეობს, რაც კარტოგრაფიული და საკადასტრო მონაცემების გადამოწმების საშუალებას იძლევა. აღსანიშნავია, რომ საკადასტრო მონაცემების გადამოწმება მნიშვნელოვან როლს ასრულებს მიწის რეგისტრაციის სახელმწიფო პროექტის წარმატებით განხორციელებაში. საჯარო რეესტრი სემინარის მონაწილეებს სწორედ ამ კუთხით არსებულ გამოცდილებას წარუდგენს. ღონისძიების ფარგლებში ინოვაციური უპილოტო საფრენი აპარატის დახმარებით საჰაერო გადაღებაც განხორციელდება.
 
სემინარი ნორვეგიის მთავრობის მიერ დაფინანსებული პროექტის „რუკები მიწის მდგრადი მართვისთვის - საქართველოს ორთოფოტო“ ფარგლებში ტარდება, რომლის განხორციელებაც საჯარო რეესტრმა ნორვეგიის კარტოგრაფიის ორგანოსთან (STATENS KARTVERK) ერთად 2015 წლის იანვარში დაიწყო. პროექტი მთელი ქვეყნის აეროფოტოგადაღებას ითვალისწინებს, რაც  გეოინფორმაციული, კარტოგრაფიული და ტოპოგრაფიული მონაცემების შექმნისთვის ყველაზე საიმედო და ეკონომიურ მეთოდად მიიჩნევა. ახალი აეროფოტოგადაღების მასალებზე დაყრდნობით, საჯარო რეესტრი ორთოფოტოგეგმებს შექმნის, რომელშიც საერთაშორისო სტანდარტები და პრაქტიკა სრულად იქნება გათვალისწინებული. ორთოფოტოებს კი 1:2000 მასშტაბის რუკების დასამუშავებლად გამოიყენებს. მსგავსი მასშტაბის პროექტი ქვეყანაში პირველად ხორციელდება. 
პროექტი „რუკები მიწის მდგრადი მართვისთვის - საქართველოს ორთოფოტო“ 2017 წლის ზაფხულამდე გაგრძელდება. სულ იგი 40 ათასი კვადრატული მეტრის ტერიტორიის აეროფოტოგადაღებას მოიცავს.  პროექტის საერთო ღირებულება 1 725 000 ევროა. აქედან ნორვეგიის მთავრობის გრანტი 1 420 000 ევროა, სააგენტოს შენატანი კი - 305 000 ევრო.
(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე