კრწანისის ტყე-პარკის ტერიტორიაზე წყალარინების 1000 მმ-იანი მაგისტრალის განზრახ დაზიანების ფაქტი დაფიქსირდა. - ამის შესახებ განცხადებას კომპანია „ჯორჯიან უოთერ ენდ ფაუერი" ავრცელებს.

როგორც კომპანიიდან "ექსპრენიუსს" აცნობეს, ადგილზე ამოტეხილია ბეტონის კოლექტორის მნიშვნელოვანი ნაწილი, საიდანაც ამოედინება წყალი. დაზიანების ადგილას ხელოვნურად მოწყობილია ტბისკენ მიმართული არხი.

"გარდაბნის მუნიციპალიტეტში, კრწანისის ტყე-პარკის ტერიტორიაზე კომპანია „ჯორჯიან უოთერ ენდ ფაუერის" წყალარინების მაგისტრალური კოლექტორის გეგმიური დათვალიერების დროს, გამოვლინდა ვანდალური ფაქტი - კერძოდ, დაფიქსირდა წყალარინების 1000 მმ-იანი მაგისტრალის განზრახ დაზიანება.

ამოტეხილია ბეტონის კოლექტორის მნიშვნელოვანი ნაწილი, საიდანაც ამოედინება წყალი. დაზიანების ადგილას ხელოვნურად მოწყობილია ტბისკენ მიმართული არხი.

მიმდებარე ტერიტორიაზე მსგავსი ტიპის შემთხვევა კომპანიამ გასულ პერიოდებში, არაერთხელ დააფიქსირა. ამის შესახებ ინფორმირებული იყო საპატრულო პოლიცია და გარემოსდაცვითი ზედამხედველობის დეპარტამენტი.

მომხდარის ფაქტის გამოძიების მიზნით, ადგილზე მობილიზებულია საპატრულო პოლიცია და გარემოსდაცვითი ზედამხედველობის დეპარტამენტი. ასევე ინფორმირებულია სურსათის ეროვნული სააგენტო.

აღნიშნულის გამო კომპანიას არსებითი მატერიალური ზარალი მიადგა. არსებულ დაზიანებას „ჯორჯიან უოთერ ენდ ფაუერი" საკუთარი ძალებით აღადგენს", - ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე

დრონებმა მოსკოვს, იაროსლავისა და როსტოვის ნავთობგადამამუშავებელ ქარხნებს შეუტიეს, შედეგად ხანძარი გაჩნდა

ნიდერლანდების პრემიერ-მინისტრის პარტიის ოფისში აფეთქება მოხდა, ეჭვმიტანილი დაკავებულია