დევნილთა და განსახლების მინისტრი სოზარ სუბარი დემურ სტურუას თვითმკლელობის ფაქტს „ტვ პირველის“ ეთერში გამოეხმაურა და აღნიშნა, რომ იმ შემთხვევაში თუ პროკურატურა ეჭვმიტანილს ვადაზე ადრე წარუდგენდა ბრალს, მაშინ საკმარისი მტკიცებულებების არ არსებობის გამო სასამართლო ეჭვმიტანილს დარბაზიდანვე გაათავისუფლებდა და მას არც მიმალვა დასჭირდებოდა.

„ძნელია დემურ სტურუა თვითმკვლელობასთან დაკავშირებით გულგრილად საუბარი. როგორც საქართველოს მთავრობის წევრი პირობას გაძლევთ, რომ დამნაშავე პასუხს აგებს. ერთი რამ უნდა გაითვალისწინოთ, როდესაც ბრალის წარდგენაზე ვსაუბრობთ - როდესაც საქმე ადამიანის თვითმმკლელობამდე მიყვანას ეხება, ძნელია მტკიცებულელების უცებ შეგროვება. პროკურატუას რომ ეს ბრალი ვადაზე ადრე წარედგინა, შეიძლება სასამართლოს, რომელიც დღეს აბსოლუტურად დამოუკიდებელია, ეთქვა, რომ არ არის მტკიცებულებების საკმარისი რაოდენობა და ეჭვმიტანილს დარბაზიდანვე გაათავისუფლებდა და თუ ეს პოლიციელი სასამართლო დარბაზიდან გათავისუფლდებოდა, მას დამალვაც არ დასჭირდებოდა. სწორედ ამ მოცემულობით უნდა ხელმძვანელობდეს სახალხო დამცველიც და არასამთავრობო ორგანიზაციებიც.

სუბარის განცხადებით, შინაგან საქმეთა მინისისტრის პრეროგატივა არ არის, რომ საჯაროდ გამოსულიყო და ადამიანის უფლებისდამრღვევი განცხადებები გაეკეთებინა.

„ არ მგონია, რომ შინაგან საქმეთა მინისტრი უნდა გამოსულიყო და უფლებისდამრღვევი განცხადება უნდა გაეკეთებინა, რომ ჩვენ უსასტიკესად დავსჯით დამნაშავეს და ა.შ. ეს მისი  პრეროგატივა არ არის. არავინ არავის ხელს რომ არ აფარებს გამოჩნდა იქიდანაც, რომ პროკურატურამ არა მხოლოდ ბრალი წარუდგინა პოლიციელს, არამედ უწყებამ საქმის ყველა დეტალი გამოავლინა. ხელის დაფარების სურვილის შემთხვევაში, პროკურატურა იტყოდა, რომ არანაირი ბრალეულობა არ გამოიკვეთა.  სისტემურ დანაშაულზე ამ შემთხვევაში აბსურდია. ამერიკაში თვე არ გავა, რომ პოლიციელის მხრიდან საეჭვო გასროლა არ მოხდა. ამას უნდა მოყვეს ადეკვატური რეაქცია“, - განაცხადა სუბარმა.

შეგახსებთ, რომ სახალხო დამცველის განცხადებით, დემურ სტურუას თვითმკლელობასთან დაკავშირებით კითხვის ნიშნები ჩნდება, ხომ არ აფარებს ვინმე ხელს კონკრეტულად სავარაუდო დამნაშავეს

დემურ სტურუამ 7 აგვისტოს სამტრედიის რაიონში, სოფელ დაფნარში თავი ჩამოიხრჩო. მის მიერ დატოვებული წერილის თანახმად, ეს პოლიციელ გოდერძი თევზაძის მხრიდან განხორციელებული ზეწოლის გამო გააკეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია