2015-03-09 14:26:21, 304 ნახვა

---

„ქართული ოცნების“ პოლიტსაბჭო საპარლამენტო უმრავლესობას მოუწოდებს, ნინო გვენეტაძის კანდიდატურას მხარი დაუჭირონ

კოალიცია „ქართული ოცნების“ პოლიტსაბჭო საპარლამენტო უმრავლესობის წევრებს მოუწოდებს, უზენაესი სასამართლოს თავჯდომარეობაზე ნინო გვენეტაძის კანდიდატურას მხარი დაუჭირონ.
ამის შესახებ „ქართული ოცნების“ წევრმა დავით საგანელიძემ ჟურნალისტებს განუცხადა.
ხოლო, იმ შემთხვევაში, თუ უმრავლესობა გვენეტაძის კანდიდატურას მხარს არ დაუჭერენ, საგანელიძის თქმით,  ამაზე პარტიული  სანქციები არ იქნება.
„პოლიტსაბჭოზე მივიღეთ გადაწყვეტილება, რომ ჩვენს პარტიებს, ფრაქციებს მოვუწოდოთ  ნინო გვენეტაძის კანდიდატურას  მხარი დავუჭიროთ. თუ ვინმე მხარს არ დაუჭერს და ამაზე პარტიული სანქციები უნდა შემოვიდეს, პოლიტსაბჭოზე ამაზე მსჯელობა არ ყოფილა. სასჯელები ამასთან დაკავშირებით ცოტა გადაჭარბებული იქნება“, – აღნიშნა საგანელიძემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი