შრომის, ჯანმრთელობისა და სოციალური დაცვის მინისტრის დავით სერგეენკოს განცხადებით, „ქართული ოცნების“ მიერ თბილისში წარდგენილი მაჟორიტარი კანდიდატებიდან რამდენიმეს პირადად იცნობს.

სერგეენკო დარწმუნებულია, რომ წარდგენილი მაჟორიტარობის კანდიდატები ქვეყნისთვის სასიკეთო საქმეს გააკეთებენ: „გუშინ წარდგენილი თბილისის მაჟორიტარობის კანდიდატებიდან, მე რამოდენიმე მათგანს პირადად ვიცნობ სხვადასხვა სფეროებიდან. რამდენიმე მათგანთან ერთად ოთხმოციან წლებში რაგბის ვთამაშობდი. მარიამ ჯაში ჩემი მოადგილე იყო წლების განმავლობაში და სხვათაშორის მისი დამსახურებაა ძალიან ბევრი როგორც საყოველთაო ჯანდაცვის პროგრამის, ასევე c ჰეპატიტის პროგრამის საწყის ეტაპზე მოლაპარაკებები. აქ არიან ადამიანები, რომლებსაც მე ვიცნობ და შემიძლია მხარში ამოვუდგე მათ. ისინი ნამდვილად სასარგებლო იქნებიან ქვეყნისათვის”, - განაცხადა დავით სერგეენკომ. რაც შეეხება ოპონენტების კრიტიკას, რომ წარდგენილი კანდიდატების უმრავლესობა სპორტსმენია, სერგეენკომ ასე უპასუხა: „კრიტიკა მრავალგვარი არსებობს და ამ ოთხი წლის განმავლობაში ბევრნაირი კრიტიკა მომისმენია, მათ შორის ე.წ. ნეგატოფილებისგან, რომლებისთვისაც რომ მეთქვა, რომ ადამიანის ფიზიოლოგიური პულსი 75 არის, ბრალს დამდებდნენ წინასაარჩევნო მოსყიდვებში, ასე რომ, მე ვცდილობ ყურადღება არ გავამახვილო ასეთ რაღაცებზე”,-აღნიშნა სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს