თიბისი არტ გალერეა და ლისი დეველოპმენტი ერთობლივ პროექტს წარმოადგენენ

2015-03-06 18:57:51, 7657 ნახვა

კულტურა

თიბისი არტ გალერეა და ლისი დეველოპმენტი ერთობლივ პროექტს „ქართული მხატვრობა ლისზე“ წარმოადგენენ.
ქართველი მხატვრების მიერ დანახული საოცნებო ადგილი - ახალი საცხოვრებელი სივრცე თბილისში, რომელიც იდეაში შეიძლება მხატვართა უბნადაც იქცეს.
პროექტში მხატვრების ჩართულობა ლისის საცხოვრებელი კომპლექსის განსაკუთრებულობამ განაპირობა.
მხატვრები თავიანთ ნამუშევრებში იმ ინსპირაციის შესახებ მოგვითხრობენ, რომელიც ამ სივრცეს მათთვის მიმზიდველს და გამორჩეულს ხდის.
საქართველოში ამ პროექტს ანალოგი არ აქვს და თითოეული მხატვრული ნამუშევარიც თავისი ბუნებით უნიკალურია.
პროექტში მონაწილეობა მიიღეს მხატვრებმა: ზურაბ ნიჟარაძე, თემო მაჭავარიანი, ბესიკ არბოლიშვილი, გია გუგუშვილი, ქეთი მატაბელი, ნოდარ ბადურაშვილი, კოკა ცხვედიანი, დიმა ანთაძე, მამუკა ცეცხლაძე, ოლეგ ტიმჩენკო, თუთუ კილაძე, გიორგი გაგოშიძე, გიორგი მასხარაშვილი.
პროექტი „ქართული მხატვრობა ლისზე“ ლისი დეველოპმენტის პირველი ნაბიჯია ქართული არტის მხარდასაჭერად.
აუქციონიდან შემოსული თანხა მოხმარდება კიდევ ერთ არტ პროექტს, რომლის მონაწილეები ქართველი მოქანდაკეები იქნებიან.
გამოფენა-აუქციონს არტ გალერეას და კომპანიის წარმომადგენლები, პროექტის მონაწილეები და მოწვეული სტუმრები დაესწრებიან.