შრომის,  ჯანმრთელობისა და სოციალური დაცვის მინისტრის დავით სერგეენკოს განცხადებით, სასწრაფო დახმარების სამსახურების მუშაობის სისტემური შესწავლა დასრულდა.

როგორც სეგეენკომ მთავრობის სხდომის დაწყებამდე "ექსპრესნიუსის" კითხვაზე საპასუხოდ განაცხადა, მთელი რიგი მიმართულებით გარკვეული ხარვეზები იკვეთება.

მინისტრი თბილისის სასწრაფოს დაგვინებაზე ამახვილებს ყურადღებას და ამის მიზეზად ასახელებს იმას, რომ სასწრაფოს ბრიგადები არ არიან მოტივირებული, რომ ბევრი გამოძახება შეასრულონ.

ამასთან, დავით სერგეენკო დღეს 112-ის წარმომადგენლებს შეხვდება და მათ სამოქმედო გეგმას გააცნობს, რომლის გათვალისწინებითაც სერგეენკოს შეფასებით, უახლოეს პერიოდში საზოგადოება დადებით შედეგს იგრძნობს.

"ჩვენ დავასრულეთ სისტემური შესწავლა მთლიანად სასწრაფო დახმარების სამსახურების მუშაობის. ყველა მიმართულებით იკვეთება გარკვეული ხარვეზები. რაც შეეხება თბილისის სასწრაფოს მუშაობას, მართლაც ბოლო ხანებში უარყოფითი დინამიკა სახეზეა დაგვიანებების. ჩვენ გვაქვს სამოქმედო გეგმა, რომელსაც შევთავაზებთ შესაბამის უწყებას და ვფიქრობ, თუკი ეს გეგმა განხორციელდა, უახლოეს პერიოდში ვიგრძნობთ მკვეთრად დადებით შედეგებს.დაგვიანების მიზეზად ძირითადად გამოიკვეთა ის, რომ დაყოვნება გამოძახების ადგილას არის წარმოუდგენლად ხანგრძლივი. ძალიან ბევრი დრო იხარჯება 45 წუთიან 1 საათამდე მაშინ როდესაც მაგალითად,  ავტოსაგზაო შემთხვევისას,  პირველი პრიორიტეტის გამოძახებისას  გამოძახებისას ადგილზე მისვლიდან  10 წუთში პაციენტი მანქანაში უნდა იქნას და უნდა გადაყავდეს. სასწრაფოს ბრიგადები არ არიან მოტივირებული იმაზე, რომ ბევრი გამოძახება შეასრულონ.ჯამში ეს ქმნის სურათს, რომ არასაკმარისი ბრიგადებია. რაც არ უნდა ვამატოთ ბრიგადები, დადებითისკენ სურათს ვერ შევცვლით. აქ არის სისტემური გადაწყვეტილებები მისაღები და ჩვენ მზად გვაქვს ეს რეკომენდაციები",-განაცხადა დავით სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ე.წ. დეზერტირების ბაზრის რეაბილიტაცია იწყება, რომელსაც მისი მფლობელი, კერძო მესაკუთრე განახორციელებს

პროკურატურა კორონავირუსით გარდაცვლილი 20 წლის ფეხბურთელის საქმეზე განცხადებას ავრცელებს

Transparency International: პარტია „ხალხის ძალას“ ივანიშვილის უახლოესი გარემოცვა აფინანსებს

თბილისობა წელს 3 და 4 ოქტომბერს ქალაქის ხუთ ლოკაციაზე აღინიშნება