არტ-ჰოლში დღეს, 20:00 საათზე, კომპოზიტორ ნოდარ ნიკოლაიშვილის საავტორო საღამო გაიმართება.

თბილისის მერიის კულტურული ღონისძიებების ცენტრის ინფორმაციით, ღონისძიებაზე მსმელის წინაშე წარდგებიან „ოთხი გია", ნუგზარ კვაშალი, გელა ბერაძე, მიშიკო ზაქარიაშვილი, მამაუკა ონაშვილი, გია დავითიანი, ტატო გოდერძიშვილი, ნინო ძოწენიძე, ჯარჯი ასათიანი, ანსამბლი „იმერეთი" და პოეტი ნანა ცინცაძე. პროგრამას ჯონი ჯანაშია წაიყვანს. ღონისძიება კომპოზიტორის შემოქმედების 50-ე საიუბილეო წელს ეძღვნება.

ნოდარ ნიკოლაიშვილმა მოღვაწეობა 1960-იან წლების მიწურულს დაიწყო. იგი იყო ბავშვთა ვოკალურ-ინსტრუმენტული ანსამბლის „ნერგები" მუსიკალური ხელმძღვანელი, საქართველოს სახელმწიფო ანსამბლის „რერო" პიანისტი, საქართველოს ტელე-რადიო მაუწყებლობის რეჟისორი, ა.ს. პუშკინის სახ. სახელმწიფო პედაგოგიური ინსტიტუტის სიმფო-ჯაზის დირიჟორი და ხელმძღვანელი, სასოფლო-სამეურნეო ინსტიტუტის ბიგ-ბენდის ხელმძღვანელი, ივ. ჯავახიშვილის სახ. სახელმწიფო უნივერსიტეტის საესტრადო ანსამბლის ხელმძღვანელი. 1990-იან წლებში ხელი კომპოზიტორობას მიჰყო და მრავალ წარმატებას მიაღწია ამ სფეროში.

XX საუკუნის მიწურულს ნოდარ ნიკოლაიშვილი გაემგზავრა მოსკოვში. მისი მოღვაწეობის წლები დაემთხვა რუსეთსა და საქართველოს შორის დაძაბულ პოლიტიკურ ვითარებას. მიუხედავად ამისა, მის სიმღერებს მღეროდნენ ისეთი რუსეთის ვარსკვლავები, როგორებიც არიან: ნიკოლაი კარაჩენცოვი, ლარისა დოლინა, ნატალია ვეტლიცკაია, ჯგუფი „ლუბე", ნიკოლაი რასტორგუევი, კატია ლელი, ჯგუფი „ტეტ-ა-ტეტი", ირაკლი ფირცხალავა, სოსო პავლიაშვილი და დიანა ღურწკაია.

ნოდარ ნიკოლაშვილს წლების განმავლობაში მიღებული აქვს შემდეგი ჯილდოები „ევროპა +", „ოქროს ნოტი" და „ოქროს კამერტონი". იგი ასევე გახლავთ მრავალი საერთაშორისო საესტრადო სიმღერის ფესტივალის ლაურეატი.

1992 წლიდან კომპოზიტორმა გამოუშვა შემდეგი ალბომები: „...და ღამეები სანთლებს მინთებენ", „დრო", საუკეთესო სიმღერების კრებული _ „უცნაური შეხვედრები", „ჩემი ვერის უბანი", ახალი სიმღერების კრებული _ „თბილისური ავტოგრაფი".

თბილისში მას ჩატარებული აქვს 4 საავტორო კონცერტი: 2002-2004 წლებში დიდ საკონცერტო დარბაზში, ხოლო 2007 წელს ოპერისა და ბალეტის თეატრში.

2007 წელს შექმნა გარე ოპერა ორ მოქმედებად დიდ ქართველ მეფეზე ერეკლე მეორეზე „ხვედრი მეფისა", რომელშიც მონაწილეობენ ზ. ფალიაშვილის სახელობის ოპერისა და ბალეტის სახელმწიფო თეატრის სოლისტები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა