2015-03-02 13:53:00, 694 ნახვა
საზოგადოება
დავით სერგეენკო: გრიპის შემთხვევების მატება დაფიქსირებული არ არის
გრიპის შემთხვევების მატება დაფიქსირებული არ არის, - ამის შესახებ საქართველოს შრომის, ჯანმრთელობისა და სოციალური დაცვის მინისტრმა დავით სერგეენკომ ჟურნალისტებს განუცხადა.
თუმცა, მინისტრმა საზოგადოებას, განსაკუთრებით საბავშვო ბაღებისა და სკოლის მოსწავლეების მშობლებს მოუწოდა, ბავშვების პირადი ჰიგიენა უზრუნველყონ.
„გრიპის შემთხვევების მატება დაფიქსირებული არ არის, თუმცა, რადგან დათბა, ყველას ვთხოვ ყურადღება მიაქციონ მარტივ ჰიგიენის წესებს, რადგან ვირუსის ხშირი გადამტანი არის ხელები. ამიტომ, ხელებსი ხშირი დაბანაა საჭირო, განსაკუთრებით ბავშვებისთვის საბავშვო ბაღებსა და სკოლის დაბალ კლასებში“, - განაცხადა დავით სერგეენკომ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
