„რკინიგზის აღდგენის საკითხის განხილვა აფხაზეთის ხელისუფლების გარეშე შეუძლებელია“,-ამის შესახებ რუსეთის საგარეო საქმეთა მინისტრის მოადგილემ გრიგორი კარასინმა  აფხაზეთის გავლით რკინიგზის აღდგენასთან დაკავშირებით პრაღაში საქართველოს პრემიერ-მინისტრის სპეციალურ წარმომადგენელთან  რუსეთთან ურთიერთობის საკითხებში ზურაბ აბაშიძესთან შეხვედრის დაწყების წინ განაცხადა.
  „არ შევეხებით რეგიონულ პრობლემას, ფოკუსირებას მოვახდენთ პრაქტიკულ  თემებზე. რაც შეეხება  რკინიგზის საკითხს, ჩვენ ამას დეტალურად არ განვიხილავთ, მაგრამ  პრინციპში შევეხებით.  შემიძლია გითხრათ, რომ ამ საკითხის განხილვა  აფხაზეთის ხელისუფლების გარეშე  შეუძლებელია“,-აღნიშნა გრიგორი კარასინმა.
ამასთან კარასინმა დასძინა, რომ  ზურაბ აბაშიძესთან დიალოგის გაგრძელება საუკეთესო ალტერნატივაა.
„მე და ზურაბ აბაშიძე სამ თვეზე მეტია არ შევხვედრივართ. ამ დროის განმავლობაში ბევრი მოვლენა  მოხდა საერთაშორისო არენაზე,  მსოფლიო არ გამხდარა უფრო მშვიდი , მაგრამ  ჩვენ ვაგრძელებთ დიალოგს იმის იმედით, რომ  ეს არის საუკეთესო ალტერნატივა. პრობლემები ძალიან ბევრია პირველ რიგში  დღეს უნდა განვიხილოთ ბევრი პრობლემა, უპირველეს ყოვლისა რაც ეხება  რუსეთ-საქართველოს ურთერთობების  განვითარებას“,-განაცხადა გრიგორი კარასინმა.  
შეგახსენებთ, რომ პრაღაში  ზურაბ აბაშიძის და გრიგორი კარასინის შეხვედრა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი