ცესკოს ინფორმაციით, 9-დან 2 საარჩევნო ოლქში - „ნაციონალური მოძრაობის“, კანდიდატებმა გაიმარჯვეს

2016-05-23 02:38:20, 820 ნახვა

ცესკოს არსებული მონაცემებით, „ნაციონალური მოძრაობის“ კანდიდატები ლიდერობენ ოზურგეთის (დაბა ნასაკირალის თემი) და ზუგდიდის (კორცხელის თემი) მაჟორიტარულ ოლქებში, დანარჩენ 7-ვე ოლქში კი „ქართული ოცნების“ კანდიდატები იმარჯვებენ.

საკრებულოს შუალედური არჩევნები გლდანის, გარდაბნის (კალინინო და ყარაჯალარის თემები), კასპის (მეტეხის თემი), წყალტუბოს (სოფელ წყალტუბოს თემი), ქალაქ ოზურგეთისა და ოზურგეთის (დაბა ნასაკირალის თემი), ხობის (ყულევის თემი) და ზუგდიდის (კორცხელის თემი) მაჟორიტარულ ოლქებში - 45 საარჩევნო უბანზე ჩატარდა.

მაჟორიტარული საარჩევნო ოლქების მიხედვით, შემდეგი კანდიდატები მონაწილეობდნენ: გლდანი - ნინო ჯურხაძე (თავისუფალი საქართველო); ზურაბ კვანტალიანი (სახალხო ხელისუფლება); ბორია ფირცხელანი (ქართული ოცნება).

გარდაბანი (კალინინო) - დავით ხვისტანი (თავისუფალი საქართველო); ტოფიკ ახმედოვი (სახალხო ხელისუფლება); ფახრადინ შარიფოვი (ქართული ოცნება); ჯემალ მურადხანოვი (საინიციატივო ჯგუფი).

გარდაბანი (ყარაჯალალი) - ჯამილა გასანოვა (თავისუფალი საქართველო); ვიგარ მამედოვი (ქართული ოცნება).

კასპი (მეტეხის თემი) - ციცინო აბუაშვილი (ერთიანი ნაციონალური მოძრაობა); სოლომონ ტატანაშვილი (სახალხო ხელისუფლება); ალექსანდრე მერებაშვილი (ქართული ოცნება).

წყალტუბო (სოფელ წყალტუბოს თემი) - ბუხუტი ფირცხალავა (ერთიანი ნაციონალური მოძრაობა); ივანე როყვა (ირაკლი ალასანია - თავისუფალი დემოკრატები); მურადი ზაქარიაძე (ქართული ოცნება).

ოზურგეთი - ვასილ ჩიგოგიძე (ქართული ოცნება); გრიგოლ კალანდარიშვილი (საინიციატივო ჯგუფი);

ოზურგეთი (დაბა ნასაკირალი) - ბესიკ ქათამაძე (ერთიანი ნაციონალური მოძრაობა); ნონა ტუნაძე (ქართული ოცნება).

ხობი (ყულევის სოფელი) - ნოდარ კარტოზია (თავისუფალი საქართველო); კობა კაკულია (ქართული ოცნება).

ზუგდიდი (კორცხელის თემი) - თეონა ქარდავა (თავისუფალი საქართველო); ვარადებული ლაშხია (ერთიანი ნაციონალური მოძრაობა); ამირან ლაგვილავა (ქართული ოცნება).