არაბეთის გაერთიანებული საემიროები უკრაინას იარაღით დაეხმარება

2015-02-24 16:48:58, 332 ნახვა

უკრაინისთვის იარაღის მიწოდების თაობაზე, უკრაინის პრეზიდენტმა პეტრო პოროშენკომ არაბეთის გაერთიანებული საემიროების ხელისუფლებასთან შეთანხმება გააფორმა.
ამის შესახებ უკრაინის შინაგან საქმეთა მინისტრის მრჩეველმა ანტონ გერაშჩენკომ საკუთარ „ფეისბუქის“ გვერდზე დაწერა.
მისი თქმით, უკრაინისთვის იარაღის მიწოდების საკითხზე პეტრო პოროშენკო და არაბეთის გაერთიანებული საემიროების უმაღლესი მთავარსარდალი მუჰამედ ალ-ნაჰაიანი შეხვედრისას შეთანხმდნენ.
ორი ქვეყნის ლიდერის შეხვედრა არაბეთის გაერთიანებული საემიროების დედაქალაქში შედგა, სადაც პოროშენკო სამხედრო გამოფენა „IDEX-2015“-ზე დასასწრებად ჩავიდა.
გერაშენკოს განცხადებით, იმ იარაღის სახეობები და რაოდენობა, რომელიც უკრაინას გადაეცემა გასაჯაროვებას არ ექვემდებარება.
„არაბებს, ევროპელებისა და ამერიკელებისგან განსხვავებით პუტინის მუქარის არ ეშინიათ, თითქოს და უკრაინისთვის იარაღის მიწოდების შემთხვევაში მესამე მსოფლიო ომი დაიწყება. მათ ალბათ პუტინთან მიმართებაში გარკვეული ანგარიშსწორება აქვთ, რადგან რუსეთმა ნავთობზე ფასი თითქმის ორჯერ შეამცირა და მსოფლიო წესრიგის დარღვევის გამო არაბებს გარკვეული პრობლემები შეექმნათ. ასე, რომ ეს იქნება მათი პატარა შურისძიება“,-ნათქვამია განცხადებაში.