ზაქარია ქუცნაშვილმა ფრაქცია "ქართული ოცნების" სხდომა, რომელზეც გვენეტაძის კანდიდატურას განიხილავენ, დატოვა

2015-02-23 18:39:53, 295 ნახვა

პარლამენტში ფრაქცია "ქართული ოცნების" სხდომა მიმდინარეობს, რომელზეც უზენაესი სასამართლოს თავმჯდომარის პოსტზე ნინო გვენეტაძის კანდიდატურას განიხილავენ. ცოტახანში გვენეტაძის კანდიდატურაზე მსჯელობა უმრავლესობის ფორმატში გაგრძელდება. როგორც მოსალოდნელი იყო, უმრავლესობის სხდომის დაწყებამდე, ზაქარია ქუცნაშვილმა ფრაქცია "ქართული ოცნების" სხდომა დატოვა.
"კანდიდატურის გარშემო განხილვაში მონაწილეობას არ მივიღებ, რომ გავლენა არ მოვახდინო და არ შევზღუდო ჩემი კოლეგები გადაწყვეტილების ჩამოყალიბებაში. ასე რომ, მე ამას ვეძახი არა პროტესტს, არამედ ახალი პოლიტიკური კულტურის გამოვლინებას",-განაცხადა ზაქარია ქუცნაშვილმა, რომელიც ნინო გვენეტაძის მსგავსად უზენაესი სასამართლოს თავმჯდომარის თანამდებობაზე იყო წარდგენილი, თუმცა პრეზიდენტმა არჩევანი გვენეტაძეზე გააკეთა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან