საქართველოს შრომის, ჯანმრთელობისა და სოციალური დაცვის მინისტრ დავით სერგეენკოს განცხადებით, პარტნიორებთან მოლაპარაკების შედეგად, C ჰეპატიტის მკურნალობაზე შეზღუდვა - 20 000 პაციენტის მკურნალობა წელიწადში,მოიხსნა.

ამის შესახებ შრომის, ჯანმრთელობისა და სოციალური დაცვის მინისტრმა დავით სერგეენკომ პარლამენტის ჯანმრთელობის დაცვისა და სოციალურ საკითხთა კომიტეტის სხდომაზე განაცხადა, სადაც დეპუტატებს სამინისტროს მიერ  2015 წლის შესრულებული სამუშაოსა და 2016 წლის სამომავლო გეგმების შესახებ ინფორმაციას  აცნობს.

სერგეენკოს თქმით, უკვე C ჰეპატიტზე წელიწადში მინიმუმ  30 000 პაციენტი იმკურნალებს და შეეცდებიან, უახლოეს მომავალში ზედა ბარიერი საერთოდ მოხსნან.

"მინდოდა აღმენიშნა პროექტის შესახებ, რომელზეც მაღთალი გითხრათ მეუხერხულება საუბარი იმიტომ, რომ ეს რეალურად უპრეცედენტო გამოვიდა C ჰეპატიტის აღმოფხვრის შესახებ. იყო მცდელობები, რომ ექსპერიმენტად და კორუფციულ გარიგებად შეეფასებინათ, საბენიეროდ ყველაფერს პასუხი გაეცა.ყველაზე მეტად რაც აწუხებდა მოსახლეობას, ეს იყო  როდის დაიწყება მეორე ეტაპი. მეორე ეტაპი დაიწყო შარშან დეკემბერშივე, რადგან 5 000 პაციენტის მკურნალობა - პირველი ეტაპი ჩვენმა პარტნიორებმა  უწყვეტად გააგრძელეს  და დღეის მდგომარეობით, 8000 ადამიანი ჩართული, მათგან 3200-მა უკვე დაამთავრა მკურნალობის კურსი.

15-ში ხელი მოეწერა ახალ ხელშეკრულებას ჩვენს პარტნიროებთან, რომლის მიხედვითაც, გადავედით ახალ ეტაპზე, რაც გამოიხატა იმაში, რომ მედიკამენტი ახალი თაობის უკვე შემოსულია და პაციენტები მასში ჩართულები არიან, მაგრამ 20 000 პაციენტის მკურნალობა  წელიწადში, ეს შეზღუდვა მოლაპარაკებით მივაღწიეთ და მოიხსნა.მინიმუმ ავიდა წელიწადში 30 000-ზე.პერსპექტივაა ის, რომ უახლოეს მომავალში ჩვენ საქმით დავამტკიცოთ, რომ ზედა ბარიერი საერთოდ  მოიხსანს და მაქსიმალურ რაოდენობას მაქსიმალურად მოკლე დროში ვუმკურნალოთ. აქ დამატებითი ფინანსური რესურსები საჭირო არ იქნება", - განაცხადა დავით სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო