ივანე ჯავახიშვილის თბილისის სახელმწიფო უნივერსიტეტში რექტორის მოვალეობის შემსრულებლის არჩევნები მიმდინარეობს, რასაც  გამოყენებითი მათემატიკის ინსტიტუტის პროფესორი, თამაზ კალაძე აპროტესტებს.

პროფესორი ადგილზე მივიდა ტრანსფარანტით - „არჩევნები ყალბია“. იგი არჩევნების უკანონობაზე საუბრობს.

თამაზ კალაძე აცხადებს, რომ მას უკანონოდ შეეზღუდა არჩევნებში მონაწილეობის მიღების უფლება.

„ჩემთან ერთად, კიდევ 150 ადამიანს, გამოყენებითი მათემატიკისა და მაღალი ენერგიების ფიზიკის უნივერსიტეტიდან, შეზღუდული აქვთ ხმის მიცემის უფლება“, - აცხადებს თამაზ კალაძე.

ცნობისთვის, თბილისის სახელმწიფო უნივერსიტეტში რექტორის მოვალეობის შემსრულებლის არჩევნები მიმდინარეობს. არჩევნები 10:00 საათზე დაიწყო და 18:00 საათამდე გაგრძელდება.

რექტორის მოვალეობის შემსრულებელს უნივერსიტეტის აკადემიური, ან სამეცნიერო თანამდებობის პირი ირჩევს, რომელსაც დოქტორის, ან მასთან გათანაბრებული აკადემიური ხარისხი აქვს.

კენჭისყრის პროცედურა თსუ-ს პირველ კორპუსში, სააქტო დარბაზის ფოიეში იმართება. კენჭისყრას 16 ინდივიდუალური პირი და 4 არასამთავრობო ორგანიზაცია აკვირდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს