აშშ-ის ვიცე-პრეზიდენტი ჯ.დ. ვენსი ირანის უსაფრთხოების მაღალჩინოსანთან პირისპირ მოლაპარაკებების გამართვას განიხილავს, იტყობინება The Wall Street Journal, საკითხთან დაკავშირებულ წყაროებზე დაყრდნობით.

„ვიცე-პრეზიდენტი ჯ.დ. ვენსი ირანის უსაფრთხოების მაღალჩინოსანთან პირისპირ მოლაპარაკებების გამართვას განიხილავს, რათა დაასრულოს ომი, რომელსაც ის რესპუბლიკური პარტიისთვის დაბრკოლებად მიიჩნევს“, - წერს გაზეთი.

გაზეთის წყაროების ცნობით, ბოლო დღეებში აშშ-ის პრეზიდენტმა დონალდ ტრამპმა თავის მთავარ თანაშემწეებსა და კოლეგებს განუცხადა, რომ ის ღიაა ვენსის მიერ ირანთან მოლაპარაკებების განახლებისთვის და მას მოლაპარაკებების წარმართვის უფლება მისცა.

გამოცემის წყაროებმა აღნიშნეს, რომ კატარის დედაქალაქი, დოჰა, მოლაპარაკებების შემდეგი ეტაპის შესაძლო ადგილად განიხილება, თუ ვენსი და ირანელი ოფიციალური პირები შეხვედრაზე დათანხმდებიან.

ოქტომბერში აშშ-ის ვიცე-პრეზიდენტმა წერილი გაუგზავნა ირანის უმაღლესი ეროვნული უსაფრთხოების საბჭოს მდივანს, მოჰსენ რეზაის, შეხვედრის თხოვნით.

შეხვედრის თარიღი ჯერ არ არის დადგენილი, მაგრამ ქვეყნები შუამავლებისა და მოკავშირეების მეშვეობით მოლაპარაკებებს აწარმოებენ იმის შესახებ, თუ რა მოხდება შემდეგ.

გასულ კვირას ვენსმა განაცხადა, რომ აშშ-ირანის კონფლიქტი იყო მიზეზი, რის გამოც ბევრმა ამომრჩეველმა, როგორც წესი, რესპუბლიკელმა, შუალედურ არჩევნებში დემოკრატებს მისცა ხმა.

„ჩვენი წაგების მიზეზი ომი იყო. პრეზიდენტმა თავად თქვა ეს გუშინ ღამით“, - დაწერა მან სოციალურ მედია პლატფორმა X-ზე.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რას ურჩევს Mr. Nutrition მშობლებს ბავშვის კვებაზე - საქართველოს ბანკისა და Nutrition Academy of Georgia-ს თანამშრომლობით მშობლებისთვის შეხვედრა გაიმართება

ეპისკოპოსი გიორგი ჯამდელიანი - მივმართავ ლაშა ნაცვლიშვილს, საჯაროდ მოიხადოს ბოდიში და შენდობა ითხოვოს მეუფე იობის წინაშე

ხვიჩა კვარაცხელია - მერაბ, საბა, მადლობა და თქვენს გვერდით ვართ! კიდევ ერთხელ აჩვენეთ მსოფლიოს, რას ნიშნავს იყო ქართველი, კაცი და ადამიანი

აღსრულება დიდუბეში ცოლ-ქმრის მკვლელობაზე - გუშინაც შედგა შეხვედრა, 12 ნოემბერს დაგეგმილი იყო გამოსახლება