აშშ-ის პრეზიდენტმა დონალდ ტრამპმა განაცხადა, რომ ჩინეთში ვიზიტის დროს რუსეთის პრეზიდენტ ვლადიმერ პუტინთან და ჩინეთის პრეზიდენტ სი ძინპინთან შეხვედრას გეგმავს, რათა დენუკლეარიზაცია განიხილოს.

„მე ჩინეთს ვესტუმრები და ერთ-ერთი შეხვედრა, ვფიქრობ, პრეზიდენტ პუტინთან და პრეზიდენტ სი ძინპინთან გაიმართება და ეს საინტერესო იქნება“, - განუცხადა ტრამპმა ჟურნალისტებს.

„ჩვენ ბევრ საკითხზე ვისაუბრებთ, მათ შორის დენუკლეარიზაციაზე“, - დასძინა მან.

„ფაინენშალ ტაიმსმა“ ადრე გაავრცელა ინფორმაცია, რომ სამი ქვეყნის ოფიციალური პირები განიხილავენ აშშ-ის, რუსეთისა და ჩინეთის ლიდერებს შორის შესაძლო შეხვედრას აზია-წყნარი ოკეანის ეკონომიკური თანამშრომლობის (APEC) სამიტის ფარგლებში, რომელიც ჩინეთის ქალაქ შენჟენში 18-19 ნოემბერს არის დაგეგმილი.

მოლაპარაკებებთან დაკავშირებულმა წყარომ „ფაინენშალ ტაიმსს“ განუცხადა, რომ ვაშინგტონი და მოსკოვი პეკინს მოუწოდებენ, დათანხმდეს ასეთ შეხვედრას.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპი - როდესაც ომი დასრულდება, უკრაინა ცოტა განსხვავებულ ფორმას მიიღებს

კობახიძე - საქართველო სოლიდარობას უცხადებს პოლონეთსა და პოლონელ ხალხს

რუბიო იმედოვნებს, რომ აბუ-დაბიში უკრაინის ომთან დაკავშირებულ მოლაპარაკებებში პროგრესი იქნება

Reuters: ვენსი ტრამპის არაპოპულარული გადაწყვეტილებებისგან დისტანციას იჭერს და რესპუბლიკელთა ლიდერობისთვის ბრძოლისთვის ემზადება