ALDE – დროა რუსეთმა არასასურველ ორგანიზაციად იმის გამო გამოაცხადა, რომ ოკუპაციის წინააღმდეგ, საქართველოს სუვერენიტეტის დასაცავად და ევროპული მომავლისთვის იბრძვის

2026-11-06 15:00:28, 428 ნახვა

„ლიბერალებისა და დემოკრატების ალიანსი ევროპისთვის“ [ALDE] რუსეთის მიერ ქართული ოპოზიციური პარტიის „დროას“ „რასასურველ ორგანიზაციად“ გამოცხადებას ეხმაურება.

ALDE „დროას“ მხარდაჭერას უცხადებს. მისი შეფასებით, “დროა“ თავისუფალი, დემოკრატიული და ევროპული საქართველოსთვის იბრძვის.

„ჩვენი წევრი ქართული პარტია “დროა” რუსეთმა „არასასურველ ორგანიზაციად“ გამოაცხადა იმის გამო, რომ ის იბრძვის ოკუპაციის წინააღმდეგ, საქართველოს სუვერენიტეტის დასაცავად და ევროპული მომავლისთვის.

გასულ წელს იგივე სტატუსი მიენიჭათ ALDE Party-სა და LYMEC-საც.

ჩვენ მტკიცედ ვდგავართ პარტია „დროას“ და ყველას გვერდით, ვინც თავისუფალი, დემოკრატიული და ევროპული საქართველოსთვის იბრძვის!“ - ვკითხულობთ ALDE-ს განცხადებაში.

რუსეთის გენერალური პროკურატურის მიერ გავრცელებული ინფორმაციით, პარტია „დროას“ საქმიანობა „რუსოფობიური შეხედულებების“ გამო „არასასურველად“ გამოცხადდა.

Patreon P მხარი დაუჭირე "ექსპრესნიუსს" →

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან