2026-09-20 15:35:05, 1448 ნახვა

---

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

32 წლის IT სპეციალისტ გიორგი კვიცარიძეს, რომელმაც პოლიციელების ჩატში შეაღწია და ქობულეთში პოლიციელების მხრიდან მოქალაქეებზე ძალადობის ამსახველი კადრები მოიპოვა, ქუთაისის სასამართლომ 17 წლიანი პატიმრობა შეუფარდა. 

გასამართლებლი აიტი სპეციალისტის ოჯახი დარწმუნებულია, რომ 32 წლის მამაკაცი "ქართული ოცნების" მხილებისთვის დაისაჯა. მათი მტკიცებით, ახალგაზდრა კაცს ნარკოტიკი ჩაუდეს. 

გამოუტანეს 17 წელი, დავიღუპე, დაქცეული ვარ, არც სახლი მაქვს არაფერი, ქუჩაშ, ნაქირავებში ვარ, რას მერჩოდნენ? ამ კადრების გულისთვის? დედაშენს იმაზე უარესს ვუზავთ, რაც მაგ კადრებშიაო. მე ხომ გავამჟღავნე. სიგარეტებს რომ აწვავენ ახალგაზრდა ბიჭებს, აშიშვლებენ - სასწაული კადრებია იქ. მაგრამ ის ხუთი კადრი, რომელიც გავრცელდა, მე მქონდა ტელეფონში. მოსამართლემ მაგისთანა კადრები თუ გაქვთ, თბილისში წაიღეო. გმადლობთ, - თქო ვუთხარი, ასე მოვიქცევი თქო, - ამბობს "პირველებთან" საუბარში დაკავებული აიტის სპეციალისტის დედა. 

ადვოკატი და ოჯახი ამბობს, რომ გადაწყვეტილებას სააპელაციო სასამართლოში გაასაჩივრებენ.  

2026 წლის 13 ივლისს „ნოდარ მელაძის შაბათმა“ გაავრცელა პოლიციელების მხრიდან მოქალაქეებზე ძალადობის ამსახველი კადრები. ვიდეომასალა ტელეკომპანიას ბრალდებულის დედამ მიაწოდა.

ეთერ კვიცარიძე ამბობს, რომ ამ კადრების გავრცელების გამო მის შვილს პოლიციამ ნარკოტიკი ჩაუდო და გამოგონილი ბრალდებით დააკავეს.

ინტერვიუში ქალი ამბობს იმასაც, რომ არსებობს კიდევ 33 ფაილი, რომელიც გიორგი კვიცარიძის კომპიუტერში ინახება. დედის თქმით, ამ კადრების გაქრობის სანაცვლოდ მის შვილს სასჯელის წლების შემცირებას ჰპირდებიან.

---

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

---

დღის თემა

მთავარი თემა

ინტერვიუ - ექსკლუზივი