ბოლო ხუთი წლის განმავლობაში საქართველოში რძის პროდუქტების ფასები სხვადასხვა ტემპით შეიცვალა. საქსტატის საშუალო ფასების კალკულატორის მონაცემებით, 2021 წლის ივლისიდან 2026 წლის ივლისამდე განხილული რძის პროდუქტების საშუალო ფასები ზრდის დინამიკას აჩვენებს, თუმცა ცალკეულ წლებში ზოგიერთ პროდუქტზე ფასების შემცირებაც დაფიქსირდა.

კერძოდ, ხუთწლიან პერიოდში ყველაზე დიდი მატება იმერულ ყველზე დაფიქსირდა. 1 კილოგრამი იმერული ყველის საშუალო ფასი 2021 წლის ივლისში 11.68 ლარი იყო, 2022 წლის ივლისში კი 13.89 ლარამდე გაიზარდა, რაც წლიურად 18.9%-იანი მატებაა. 2023 წელს ფასი კიდევ 9.1%-ით გაიზარდა და 15.15 ლარი შეადგინა. 2024 წლის ივლისში იმერული ყველის საშუალო ფასი 14.62 ლარამდე შემცირდა და წლიური კლება 3.5% იყო. ამის შემდეგ ფასი კვლავ გაიზარდა - 2025 წლის ივლისში 16.20 ლარამდე, რაც 2024 წელთან შედარებით 10.8%-იანი მატებაა. 2026 წლის ივლისში კი 1 კილოგრამი იმერული ყველის საშუალო ფასი 17.60 ლარს გაუტოლდა, წლიურად 8.6%-იანი ზრდით.

შედეგად, 2021 წლის ივლისთან შედარებით 2026 წლის ივლისში იმერული ყველი 5.92 ლარით, ანუ 50.7%-ით არის გაძვირებული.

მაწვნის შემთხვევაში, 0.5 კილოგრამის საშუალო ფასი 2021 წლის ივლისში 2.51 ლარს შეადგენდა. 2022 წელს ფასი 3.15 ლარამდე გაიზარდა, რაც 25.5%-იანი მატებაა. 2023 წლის ივლისში მაწონი 3.05 ლარი ღირდა და წინა წელთან შედარებით ფასი 3.2%-ით შემცირდა. 2024 წელს საშუალო ფასი უცვლელი, 3.05 ლარი დარჩა. 2025 წლის ივლისში მაწვნის ფასი 3.22 ლარამდე გაიზარდა, რაც წლიურად 5.6%-იან მატებას ნიშნავდა. 2026 წლის ივლისში კი ფასი კიდევ 3.1%-ით გაიზარდა და 3.32 ლარი შეადგინა. მთლიანობაში, 2021 წლის ივლისიდან 2026 წლის ივლისამდე მაწონი 81 თეთრით, ანუ 32.3%-ით გაძვირდა.

არაჟნის შემთხვევაში, 1 კილოგრამის საშუალო ფასი 2021 წლის ივლისში 8.72 ლარი იყო. 2022 წელს ფასი 10.03 ლარამდე გაიზარდა, რაც 15%-იანი მატებაა. 2023 წლის ივლისში არაჟნის ფასი კიდევ 4.7%-ით გაიზარდა და 10.50 ლარი შეადგინა, ხოლო 2024 წელს 10.84 ლარამდე მოიმატა, წლიური ზრდით 3.2%. 2025 წლის ივლისში არაჟნის საშუალო ფასი 12.27 ლარი გახდა, რაც წინა წელთან შედარებით 13.2%-იანი მატებაა. თუმცა 2026 წლის ივლისში ფასი 11.56 ლარამდე შემცირდა და წლიურად 5.8%-იანი კლება დაფიქსირდა.

მიუხედავად ბოლო ერთწლიანი შემცირებისა, 2021 წლის ივლისთან შედარებით 2026 წლის ივლისში 1 კილოგრამი არაჟნის საშუალო ფასი 2.84 ლარით, ანუ 32.6%-ით მეტია.

ქარხნული რძის ფასის დინამიკა შედარებით განსხვავებულია. 1 კილოგრამი ქარხნული რძე 2021 წლის ივლისში საშუალოდ 4.33 ლარი ღირდა. 2022 წლის ივლისში ფასი 4.91 ლარამდე გაიზარდა, რაც 13.4%-იანი მატებაა. 2023 წელს რძის ფასი კიდევ 9.2%-ით გაიზარდა და 5.36 ლარი შეადგინა. 2024 წლის ივლისში ქარხნული რძის საშუალო ფასი 5.25 ლარამდე შემცირდა, წლიური კლებით 2.1%. 2025 წელს ფასი კვლავ გაიზარდა და 5.41 ლარი შეადგინა, რაც 3%-იანი მატებაა. 2026 წლის ივლისში კი ფასი 5.27 ლარამდე შემცირდა და წლიურად 2.6%-იანი კლება დაფიქსირდა.

საბოლოოდ, 2021 წლის ივლისთან შედარებით ქარხნული რძის ფასი 94 თეთრით, ანუ 21.7%-ით არის გაზრდილი.

ხაჭოს ფასი 2021 წლიდან 2026 წლის (ივლისი) მონაკვეთში ძირითადად ზრდის მიმართულებით იცვლებოდა. 1 კილოგრამი ხაჭო 2021 წლის ივლისში საშუალოდ 17.85 ლარი ღირდა. 2022 წლის ივლისში მისი ფასი 20 ლარამდე გაიზარდა, რაც 12%-იანი მატებაა. 2023 წელს ფასი კიდევ 3.1%-ით გაიზარდა და 20.62 ლარი შეადგინა.

2024 წლის ივლისში ხაჭოს საშუალო ფასი 20.69 ლარი იყო, რაც წინა წელთან შედარებით 0.3%-იან ზრდას წარმოადგენს. 2025 წლის ივლისში ფასი 23.09 ლარამდე გაიზარდა და წლიური მატება 11.6% შეადგინა. 2026 წლის ივლისში ხაჭოს საშუალო ფასი კიდევ 1.8%-ით გაიზარდა და 23.51 ლარი გახდა.

შედეგად, 2021 წლის ივლისიდან 2026 წლის ივლისამდე ხაჭოს საშუალო ფასი 5.66 ლარით, ანუ 31.7%-ით გაიზარდა.

საბოლოო მონაცემებით, ბოლო ხუთ წელში, ყველაზე მაღალი ფასობრივი ზრდა იმერულ ყველზე - 50.7% დაფიქსირდა. მას მოსდევს არაჟანი - 32.6%-იანი, მაწონი - 32.3%-იანი და ხაჭო - 31.7%-იანი ზრდით. ყველაზე ნაკლები მატება კი ქარხნულ რძეზე იყო - 21.7%-ით.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

FT: მასკმა უკრაინას განუცხადა, რომ ის „ღიაა“ Starlink-ის გამოყენებით რუსეთის წინააღმდეგ შორი დისტანციის დარტყმების იდეისთვის

„ისინი ჩამომახრჩობენ“, - პუტინს უკრაინაში დამარცხების შემთხვევაში საკუთარი სიცოცხლის შიში დაეუფლა

საქსტატის მტკიცებით, ივლისში საქართველოს ეკონომიკა 8%-ით გაიზარდა

ბოლო 5 წელში რძის პროდუქტებიდან ყველაზე მეტად ყველი გაძვირდა