კიევის ოლქის ბუჩას რაიონში რუსული თავდასხმისა და შემდგომი აფეთქების შედეგად დაღუპულთა რიცხვი 37-მდე გაიზარდა, ხოლო კიდევ 42 დაშავდა.

ამის შესახებ, კიევის სპეციალური ოპერაციების დირექტორატის უფროსმა ტიმურ ტკაჩენკომ განაცხადა.

 ტკაჩენკოს თქმით, დაღუპულთა რიცხვი შესაძლოა საბოლოო არ იყოს. დაღუპულთა შორისაა დმიტროვის თემის ხელმძღვანელი ტარას დიდიჩი, რომელიც ადგილზე ერთ-ერთი პირველი მივიდა.

42 ადამიანს, მათ შორის ოთხ ბავშვს, სხვადასხვა სიმძიმის დაზიანებები აღენიშნება. დაშავებულთაგან შვიდი საავადმყოფოში გადაიყვანეს.

საგანგებო ზონიდან 381 ადამიანი, მათ შორის 59 ბავშვი, ევაკუირებულია.

ადგილზე სამაშველო და ხანძარსაწინააღმდეგო სამუშაოები, ნაგებობების დემონტაჟი და ადამიანების ძებნა მიმდინარეობს.

წინასწარი ინფორმაციით, დაახლოებით 50 საცხოვრებელი შენობა დაზიანდა.

მოგვიანებით ტკაჩენკომ განაცხადა, რომ დაღუპულთა რიცხვი 37-მდე გაიზარდა. ადგილზე სამუშაოები გრძელდება.

28 აგვისტოს საღამოს, კიევის ოლქის ბუჩას რაიონში ძლიერი აფეთქებები გაისმა: საწყობში ხანძარი გაჩნდა, რის შედეგადაც M-06 „კიევი - ჩოპის“ გზატკეცილზე მე-15 კილომეტრიდან 32-ე კილომეტრამდე მოძრაობა გადაიკეტა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

უკრაინელების მოკლული გენერალ-მაიორი ანტონ გრუნისი, საქართველოს წინააღმდეგ 2008 წელს ომობდა

იემენელი ჰუსიტები მუსლიმებისთვის წმინდა ქალაქს მექას დაესხნენ თავს

SOLO-ს განსაკუთრებული შეთავაზება ისთ ფოინთის დაბადების დღეს SOLO VISA ბარათის მფლობელებს

ახალი შეთავაზება TBC-ის პლატფორმაზე - დაიბრუნე ვაჭრობის საკომისიო და დასაჩუქრდი $500-მდე