გერმანიის საგარეო საქმეთა მინისტრი იოჰან ვადეფული კიევში შაბათს, 22 აგვისტოს, სოლიდარობის ვიზიტით ჩავიდა, უკრაინის დამოუკიდებლობის 35-ე წლისთავის აღნიშვნამდე სულ რაღაც რამდენიმე დღით ადრე.

DPA იუწყება, რომ ვადეფული კიევის მთავარ რკინიგზის სადგურზე სპეციალური მატარებლით ჩავიდა და რუსული დრონებითა და სარაკეტო თავდასხმების ესკალაცია დაგმო, მოსკოვი „მშვიდობიანი მოსახლეობის განურჩევლად მკვლელობასა“ და ენერგეტიკული ინფრასტრუქტურის მიზანმიმართულ განადგურებაში დაადანაშაულა.

გერმანიის საგარეო საქმეთა მინისტრმა განაცხადა, რომ რუსეთი ცდილობს უკრაინის მოსახლეობისთვის საარსებო წყაროს ჩამორთმევას და წინააღმდეგობის გაწევის ნების გატეხვას.

მისი თქმით, ივლისისა და აგვისტოს ზაფხულის თვეები უკრაინელი მშვიდობიანი მოსახლეობისთვის ოთხ წელზე მეტი ხნის განმავლობაში ყველაზე სასიკვდილო იყო.

„არასდროს გაუშვეს რუსეთმა ამდენი რაკეტა მეზობელი ქვეყნის მიმართულებით“, - ხაზგასმით აღნიშნა ვადეფულმა.

მინისტრმა უკრაინისთვის მხარდაჭერის გაგრძელება აღუთქვა და იმედი გამოთქვა, რომ რუსეთი მოლაპარაკებებში ჩაერთვება. მან აღნიშნა, რომ არცერთი ქვეყანა არ დებს იმდენ ინვესტიციას უკრაინის სამხედრო და ფინანსურ მხარდაჭერაში, როგორც გერმანია.

უკრაინაში ეს ვიზიტი ვადეფულის მეოთხე იყო 16 თვის წინ თანამდებობაზე დანიშვნის შემდეგ. დამკვიდრებული პრაქტიკის თანახმად, უსაფრთხოების მიზნით, წინასწარ არ გამოცხადებულა.

კიევში მისი ყოფნის მარშრუტიც არ გახმაურებულა, თუმცა მოსალოდნელია, რომ ყურადღება უკრაინის ხელმძღვანელობასთან მოლაპარაკებებზე გამახვილდება.

გერმანელი მინისტრი უკრაინის დედაქალაქში რუსეთის მიერ კიევზე ბალისტიკური რაკეტებითა და რეაქტიული დრონებით 22 აგვისტოს ღამეს განხორციელებული დარტყმის შემდეგ ჩავიდა.

კერძოდ, რუსულმა რაკეტებმა კიევის დარნიცაში მდებარე რკინიგზის კომპანია დაბომბა, რის შედეგადაც „უკრზალიზნიცას“ თანამშრომელი დაიღუპა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა