„ლეხ კაჩინსკის მიერ 2008 წელს თბილისში გაკეთებული გაფრთხილება ახლა პირქუშ წინასწარმეტყველებას ჰგავს“, - ნათქვამია პოლონეთის საელჩოს მიერ საქართველოში 12 აგვისტოს გამოქვეყნებულ განცხადებაში - ლეხ კაჩინსკის საქართველოში სხვა ევროპელ ლიდერებთან ერთად სოლიდარობისა და რუსეთის საქართველოში შეტევის შესაჩერებლად ჩამოსვლიდან 18 წლისთავზე.

რუსთაველის გამზირზე შეკრებილ ხალხს პოლონეთის პრეზიდენტმა განაცხადა:

„ჩვენ კარგად ვიცით: დღეს საქართველოა, ხვალ უკრაინა, ზეგ ბალტიის ქვეყნები და შემდეგ შეიძლება ჩვენი ქვეყნის, პოლონეთის ჯერი დადგეს“.

პოლონეთის საელჩოს ცნობით, კაჩინსკიმ შეკრებილებს დაარწმუნა, რომ საქართველოს შეეძლო მეგობრების დახმარების იმედი ჰქონოდა და რომ საერთაშორისო საზოგადოების მოვალეობა იყო წინააღმდეგობა გაეწია რუსეთის იმპერიული ამბიციებისთვის.

„მის მიერ მაშინ ნახსენები გამბედაობა და სოლიდარობა ჩვენთვის დღევანდელი და მომავლის გაკვეთილია“, - ნათქვამია დიპლომატიური მისიის განცხადებაში.

შეგახსენებთ, რომ 2008 წლის 12 აგვისტოს, პოლონეთის პრეზიდენტთან ერთად, თბილისს ლიეტუვის, ესტონეთისა და უკრაინის პრეზიდენტები, ასევე ლატვიის პრემიერ-მინისტრი ჩამოვიდნენ.

ლეხ კაჩინსკი 2010 წლის 10 აპრილს, რუსეთში, სმოლენსკთან ახლოს, ავიაკატასტროფაში დაიღუპა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა